වයස අවුරුදු 13ක වූ තම දියණිය පසුගිය දිනක දූෂණයට ලක්ව ඇතැයි මිල්ලනිය පොලිසිය වෙත දෙමාපියන් විසින් පැමිණිල්ලක් කර ඇති බව මිල්ලනිය පොලීසිය සඳහන් කරනවා.
මෙසේ දූෂණයට ලක්ව ඇත්තේ මොරටුමුල්ල ප්රදේශයේ පදිංචි පාසල් වියේ පසුවන 13 හැවිරිදි සිසුවියක්.
පසුගිය 21 වන දින මැතිවරණය පැවැති දින රාත්රියේ මොරටුවේ සිට මිල්ලනිය වත්ත ප්රදේශයේ තම සීයාගේ මරණ ගෙදරට සහභාගි වී සිටිය දී ඇය අතුරුදහන්ව තිබුණා.
ඒ පිළිබඳව දෙමාපියන් ඇතුළු ඥාතීන් මුළු රාත්රිය පුරා සෝදිසි කර පසුව පොලිසියට දන්වා තිබෙනවා.
පසුව ඊයේ (26) දින ඇය මොරටුව ප්රදේශයේ 19 හැවිරිදි තරුණයෙකු සමග සිටින බවට ලැබුණු තොරතුරක් මත දෙමාපියන් විසින් දැරිය සහ තරුණයා රැගෙන විත් මිල්ලනිය පොලිසියට භාර දී තිබුණා.
පසුව අනාවරණය වී ඇත්තේ, එම දැරිවිය සහ තරුණයා අතර කළක පටන් මිත්ර සබඳතාවක් තිබී ඇති බවයි.
පසුගිය සැප්තැම්බර් 11 වන දින මොරටුවේ පිහිටි තරුණයාගේ නිවසේ කිසිවෙක් නොසිටීම හේතුවෙන්; ඇයව නිවසට ගෙන්වාගෙන දූෂණයට ලක්කර ඇති බවයි විමර්ශන වලදී අනාවරණය වී ඇත්තේ.
මිල්ලනිය පොලිසිය මගින් දැරියව වෛද්ය පරීක්ෂණ සඳහා ඊයේ (26) හොරණ දිස්ත්රික් රෝහල වෙත ඇතුළත් කර තිබෙනවා.
දැරිය අපහරණය කිරීම සම්බන්ධයෙන් චෝදනාව ලත් තරුණයා හොරණ මහේස්ත්රාත් අධිකරණය වෙත ඉදිරිපත් කිරීමෙන් අනතුරුව රක්ෂිත බන්ධනාගාර ගත කර තිබුණා.
දැරිය අපහරණය සම්බන්ධයෙන් මූලික පරීක්ෂණ මිල්ලනිය පොලිසිය මගින් සිදුකර ඇති අතර ස්ත්රී දුෂණය සම්බන්ධ පරීක්ෂණ සඳහා මොරටුමුල්ල පොලිසිය වෙත භාරදී ඇති බවයි වාර්තා වන්නේ.
