ඇමෙරිකානු ජනාධිපතිවරණයට ඉදිරිපත්ව සිටින ප්රධාන අපේක්ෂකයින් දෙපළම මානව විරෝධීන් බව ශුද්ධෝතම ෆ්රැන්සිස් පාප් වහන්සේ පවසනවා.
නපුරු මතවාද හා ප්රතිපත්තිවලින් අඩු අපේක්ෂකයා වෙනුවෙන් ඡන්දය භාවිත කරන ලෙස ඇමෙරිකානු ඡන්දදායකයින්ගෙන් උන්වහන්සේ ඊයේ විශේෂ ඉල්ලීමක් සිදුකළා.
පාප්තුමන් මෙම ඉල්ලීම කළේ සිය දොළොස් දින ගිනිකොනදිග ආසියානු චාරිකාව නිමකරමින් සිංගප්පුරුවේ සිට යළි වතිකානය බලා ගමන් කරමින් සිටින අතර තුර ගුවන් යානය තුළ පැවති මාධ්ය හමුවකදීයි
ජනපතිධුර අපේක්ෂක ඩොනල්ඩ් ට්රම්ප්ගේ සංක්රමණික විරෝධී ප්රතිපත්ති මානව පැවැත්මට එරෙහි බරපතළ පාපයක් බවත්, ජනපති සටනේ සිටින අනිත් අපේක්ෂිකාවවන කමලා හැරිස් යෝජිත ගබ්සා පනතට පක්ෂව කටයුතු කිරීම ද මනුෂ්ය පැවැත්මට එරෙහි බරපතල පාපයක් බවත් ශුද්ධෝතම ෆ්රැන්සිස් පාප් වහන්සේ තවදුරත් අවධාරණය කර සිටියා.
මවකගේ ගර්භාෂය තුළ පිළිසිඳ ඇත්තේ මිනිස් ජීව කලලයක් බැවින් එය විනාශකර දැමීම නොමේරු මිනිස් ජීවිතයක් ඝාතනය කිරීමේ ක්රියාවක් බවත් පාප්තුමන් තවදුරත් මෙහිදී අවධාරණය කර සිටියා.
ලොවපුරා විසිර සිටින බිලියන 1.4 ක්වූ කතෝලික ජනගහනයෙන් මිලියන 52ක් ඇමෙරිකානුවන්.
තමන්ගේ හෘද සාක්ෂියට එකඟව ඡන්දය භාවිත කරන ලෙසයි ශුද්ධෝතම පාප් වහන්සේ සමස්ථ ඇමෙරිකානු කතෝලිකයින්ගෙන් ඉල්ලා සිටියේ.
