වොෂින්ටනයේ ‘වොෂින්ටන් හිල්ටන්’ හෝටලයේ පැවැත්වෙමින් තිබූ ධවල මන්දිර වාර්තාකරුවන්ගේ සංගමයේ වාර්ෂික රාත්රී භෝජන සංග්රහය අතරතුර වෙඩි තැබීමක් සිදුව තිබෙනවා.
මේ සමඟ භෝජන සංග්රහයට සහභාගී වී සිටි ඇමරිකානු ජනාධිපති ඩොනල්ඩ් ට්රම්ප් සහ ඔහුගේ බිරිඳ මෙලනියා ට්රම්ප් වහාම එම ස්ථානයෙන් ආරක්ෂිතව ඉවත් කර ගැනීමට ආරක්ෂක අංශ කටයුතු කර ඇති බවයි වාර්තා වුණේ.
වෙඩික්කරුවෙකු අත්අඩංගුවට ගෙන ඇති බව විදෙස් මාධ්ය තොරතුරු වාර්තා කරනවා.
ධවල මන්දිර වාර්තාකරුවන්ගේ සංගමයේ සභාපතිනි වෙයිජියා ජියැං අදහස් දක්වමින් කියා සිටියේ, මෙම සිදුවීම පිළිබඳ වැඩිදුර විමර්ශන සිදුකරන අතරතුර තාවකාලිකව නැවතුණු උත්සවයේ කටයුතු යළි ආරම්භ කරන බවයි.
තමාට විශාල පිපිරුම් හඬ කිහිපයක් ඇසුණු බවත්, රහස් සේවය තුවක්කුකරු ඇදගෙන පිටතට ගෙන ගිය බවත් BBC පුවත් සේවයේ වාර්තාකරු පවසනවා.
මේ අතර ජනාධිපතිවරයා සහ ජනාධිපති ආර්යාව සහ අනෙකුත් සියලුම රහස් සේවා ආරක්ෂකයින් ආරක්ෂිත බව ඇමරිකා රහස් සේවා ප්රකාශක ඇන්තනි ගුග්ලියෙල්මි පවසනවා.
