මෙම වසරේ මේ දක්වා කාලය තුළ මෙරට ඩෙංගු මරණ 23ක් වාර්තා වන බව ජාතික ඩෙංගු මර්දන ඒකකය පවසනවා.
එම ඒකකයේ අද (13) පැවති ප්‍රවෘත්ති සාකච්ඡාවකදී ප්‍රජා වෛද්‍ය විශේෂඥ ප්‍රශිලා සමරවීර මේ බව සඳහන් කළා.
එමෙන්ම දිවයින පුරා මේ වසරේ ඩෙංගු රෝගීන් 40,443ක් වාර්තා වී ඇති බවයි වෛද්‍යවරිය පැවසුවේ.
ඉන් වැඩිම රෝගීන් ප්‍රමාණයක් කොළඹ, ගම්පහ, මාතර, ගාල්ල සහ මහනුවර යන දිස්ත්‍රික්කවලින් වාර්තා වන බවයි ඇය වැඩිදුරටත් සඳහන් කළේ.
මෙලෙස වාර්තා වී ඇති සමස්ත රෝගීන්ගෙන් 50%ක්ම බස්නාහිර පළාතෙන් වාර්තා වන බවයි ප්‍රජා වෛද්‍ය විශේෂඥ ප්‍රශිලා සමරවීර මෙහිදී සඳහන් කර සිටියේ.
මේ අතර ජුනි 15 සිට 20 දක්වා රජය විසින් ඩෙංගු මර්ධන සතියක් ක්‍රියාත්මක කර ඇති බව ද ඇය අවධාරණය කළා.
ජුනි 15, 16,17 පොදු ස්ථාන
ජුනි 18 පාසල්, ළදරු පාසල්, අධ්‍යාපන ආයතන, විශ්ව විද්‍යාල
ජුනි 19 රාජ්‍ය ආයතන සහ පුද්ගලික ආයතන
ජුනි 20 සියලුම නිවාස
