ඩෙංගු රෝගීන් සංඛ්‍යාව හැටදහසට ආසන්න වෙයි – ඊයේ දිනයේ රෝගීන් 1970ක්

මෙම වසරේ වාර්තා වී ඇති ඩෙංගු රෝගීන් සංඛ්‍යාව 59,000 ඉක්මවා ගොස් තිබෙනවා.

ඒ, අනුව ඩෙංගු රෝගීන් 59,638ක් මෙරටින් වාර්තා වී ඇති බවයි ජාතික ඩෙංගු මර්දන ඒකකය සඳහන් කළේ.

මේ අතර ඊයේ (04) දිනයේ දී මෙරටින් වාර්තා වී ඇති ඩෙංගු රෝගීන්ගේ සංඛ්‍යාව දෙදහසට ආසන්න වී තිබෙනවා.

ජාතික ඩෙංගු මර්දන ඒකකයේ වාර්තාවලට අනුව ඊයේ (04) දිනයේ දී මෙරටින් වාර්තා වී ඇති ඩෙංගු රෝගීන්ගේ ගණන 1970ක්.

මේ අතර ජූලි මාසයේ ගතවූ දින 04 තුළ ඩෙංගු රෝගීන් 4,251ක් මෙරටින් වාර්තා වී තිබෙනවා.

ජාතික ඩෙංගු මර්දන ඒකකය සඳහන් කරන්නේ ඩෙංගු අධි අවදානම් කලාප සංඛ්‍යාව 142ක් දක්වා ඉහළ ගොස් ඇති බවයි.

එමෙන්ම මෙරටින් වාර්තා වන ඩෙංගු මරණ සංඛ්‍යාව 39ක්.