ඩුබායි හි සැගවී සිටි සංවිධානාත්මක අපරාධකරුවන් දෙදෙනෙක් සහ මුදල් වංචාවක විමර්ශන සදහා අවශ්යව කාන්තාවක්, විශේෂ පොලිස් නිලධාරීවරුන් පිරිසක් විසින් අත්අඩංගුවට ගෙන අද (16) අලුයම කටුනායක ගුවන් තොටුපොළ වෙත රැගෙන විත් තිබෙනවා.
ඔවුන් දැඩි ආරක්ෂක විධිවිධාන මධ්යයේ අලුයම 05.20 ට ඩුබායි සිට ශ්රී ලංකන් ගුවන් සේවයේ යූ.එල්.- 226 දරන ගුවන් යානයෙන් කටුනායක ගුවන් තොටුපොළ වෙත රැගෙන විත් ඇති බවයි වාර්තා වන්නේ.
ඔවුන් අතරින් එක් අයෙක් ඇල්පිටිය, ඌරගහ ප්රදේශයේ පදිංචි 52 හැවිරිදි රවීන් චමින්ද වීරසිංහ නොහොත් පුංචා නැමැත්තා වන අතර අනෙක් පුද්ගලයා කිරිඇල්දෙණියගේ දොන් රසික සංජීව කුමාර නොහොත් චූටි මල්ලී ලෙස හඳුන්වන කදාන ප්රදේශයේ පදිංචි 30 හැවිරිදි පුද්ගලයෙක්.
මොවුන් දෙදෙනා මත්ද්රව්ය ජාවාරම් කිරීම, කප්පම් ගැනීම, මංකොල්ලකෑම් සහ මනුෂ්ය ඝාතන සදහා චෝදනා ලැබූවන් බවයි පොලිසිය සඳහන් කළේ.
මීට අමතරව මුදල් වංචා කිරීමක් සම්බන්ධ පොලිස් විමර්ශන සදහා අත්යාවශ්යව සිටි රත්මලාන ප්රදේශයේ පදිංචි 56 හැවිරිදි හේවා කසකාරගේ රුජා නිශාමනී ද සිල්වා නම් කාන්තාව ද මෙසේ අත්අඩංගුවට ගෙන මෙරටට රැගෙන විත් තිබෙනවා.
මෙලෙස අත්අඩංගුවට ගත් රවීන් චමින්ද නැමැත්තා බස්නාහිර උතුර පෑලියගොඩ කොට්ඨාශ අපරාධ විමර්ශන අංශයටත්, රසික සංජීව නැමැත්තා ඇල්පිටිය කොට්ඨාශ අපරාධ විමර්ශන අංශයට සහ නිශාමනී ද සිල්වා කොළඹ අපරාධ පරීක්ෂණ දෙපාර්තමේන්තු මූලස්ථාන කාර්යාලය වෙත දැඩි ආරක්ෂක රැකවල් යටතේ රැගෙන යාමට පියවර ගත් බව දසත ගුවන්තොටුපොළ වාර්තාකරු සඳහන් කළා.
බොහොම හොදයි පතලය මෙිි රටින් තුරන් කරලා දන එක නමිි
Den rata saamakami. Apiya oni mewage ratak
නියමයි.
තවදුරටත් මුංට හැංගෙන්න බෑ.
මාළිමාවට ජය වේවා