ඩිජිටල් සේවා සපයන ආයතනවලින් බදු අය නොකරන ලෝකයේ රටවල් අතර ශ්‍රී ලංකාව ද සිටින බව පාර්ලිමේන්තු මන්ත්‍රී පාඨලී චම්පික රණවක පවසනවා.
මන්ත්‍රීවරයා සදහන් කළේ එලෙස ඩිජිටල් සේවා සඳහා බදු අය නොකරන ලෝකයේ රටවල් ඇත්තේ 06ක් පමණක් බවයි.
ලෝකයේ දියුණු රටවල් ඩිජිටල් සේවා සපයන සමාගම්වලින් 15%ක අනිවාර්ය බද්දක් අයකරන බව සඳහන් කළ මන්ත්‍රීවරයා, එලෙස නොකිරීම තුළින් මෙරටට විශාල බදු අදායමක් අහිමිව යන බවයි අවධාරනය කළේ.
මන්ත්‍රීවරයා වැඩිදුරටත් පැවසුවේ ඩිජිටල් සේවා සපයන ලොව ප්‍රමුඛ සමාගම්වන ෆේස්බුක්, ඌබර් වැනි සමාගම් 15%ක බද්ධක් රජයට ගෙවිය යුතු බවයි.
කෙසේ වෙතත් එම නීතිය ශ්‍රී ලංකාව තුළ සම්මත කිරීමට තවමත් රජයට කිසිම උනන්දුවක් නොමැති බව ද ඔහු මෙහිදී සඳහන් කර සිටියා.
