හිටපු අමාත්ය ඩග්ලස් දේවානන්දාට නිකුත් කළ ගිනි අවි කිහිපයක් සම්බන්ධයෙන් තවදුරටත් විමර්ශන ක්රියාත්මක බව පොලිසිය පවසනවා.
ටී 56 වර්ගයේ ගිනි අවි 15ක් සහ මිලිමීටර් 09 වර්ගයේ ගිනි අවි 05ක් ඒ අතරවන බවයි පොලිසිය සඳහන් කළේ.
ඔහුට අදාළ ගිනි අවි 2001 වසරේ නිකුත් කර ඇති බව අනාවරණය වී තිබෙනවා.
එමෙන්ම ඩග්ලස් දේවානන්දා හිටපු අමාත්යවරයාට නිකුත් කර ඇති ටී 56 උණ්ඩ 1500 කට අධික සංඛ්යාවක් සහ මිලිමීටර් 09 වර්ගයේ උණ්ඩ 100කට අධික සංඛ්යාවක් සම්බන්ධයෙන් ද මේ වන විට විමර්ශන ක්රියාත්මක කෙරෙනවා.
හිටපු අමාත්යවරයා ඩග්ලස් දේවානන්දා පසුගිය 26 වනදා අපරාධ පරීක්ෂණ දෙපාර්තමේන්තුව විසින් අත්අඩංගුවට ගනු ලැබුවේ 2001 වසරේදී ඔහුගේ පෞද්ගලික පරිහරණය සඳහා යුද හමුදාවෙන් ලබාදුන් ගිනිඅවියක් 2019 වසරේදී සංවිධානාත්මක අපරාධකරුවෙකු වූ මාකඳුරේ මදූෂ්ගෙන් සිදුකළ ප්රශ්න කිරීම් හමුවේදී සොයා ගැනීමේ සිද්ධියක විමර්ශනවලට අදාළවයි.
අත්අඩංගුවට ගත් හිටපු අමාත්ය ඩග්ලස් දේවානන්දා දින තුනක් රදවා ප්රශ්න කිරිමට ඊයේ (27) පියවර ගත්තේ ත්රස්තවාදය වැළැක්වීමේ පනතේ ප්රතිපාදන යටතේයි.
