ට්‍රැක්ටරයක ගැටී පුද්ගලයෙකු මරුට

ට්‍රැක්ටර් රථයක යතුරුපැදියක් ගැටීමෙන් සිදු වූ රිය අනතුරකින් 36 හැවිරිදි පුද්ගලයෙකු ජීවිතක්ෂයට පත් ව තිබෙනවා.

දසත ප්‍රාදේශීය වාර්තාකරු පැවසුවේ මෙම අනතුර සිදු ව ඇත්තේ මුලතිව් – සුදන්දිරපුරම් හි දී බවයි.

පෙරේදා (29) රාත්‍රියේ දී මෙම අනතුර සිදු ව ඇති බවත් ගොයම් කපන යන්ත්‍රයක් පටවාගෙන ගිය ට්‍රැක්ටරයක යතුරුපැදිය ගැටී ඇත්තේ මුහුණට මුහුණ බවත් වාර්තා වනවා.

යතුරුපැදිකරු එම ස්ථානයේ දී ම ජීවිතක්ෂයට පත් ව ඇති අතර අනතුරින් පසුව ට්‍රැක්ටර් රථ රියදුරු පලා ගොස් සිටියදී පොලිස් අත්අඩංගුවට ගැනුණා.

සිද්ධිය සම්බන්ධයෙන් පුදුකුඩිඉරිප්පු පොලිසිය වැඩිදුර පරීක්ෂණ මෙහෙයවනවා.