අමෙරිකා එක්සත් ජනපදය විසින් විදේශ සිසුන් හට ශිෂ්ය හුවමාරු වීසා ලබාදීම සහ නව ශිෂ්ය වීසා කැඳවීම ආදිය නතර කරන ලෙසට දැනුම්දී තිබෙනවා.
රොයිටර්ස් පුවත් සේවය වාර්තා කළේ, විදේශ සිසුන්ගේ සමාජ මාධ්ය පරීක්ෂාව පුළුල් කිරීමට රාජ්ය දෙපාර්තමේන්තුව සූදානම් වන බැවින්, ජනාධිපති ඩොනල්ඩ් ට්රම්ප්ගේ පරිපාලනය මෙම තීරණය ගෙන ඇති බවයි.
ඒ අනුව නව ශිෂ්ය වීසා ලබා ගැනීම සඳහා දිනයක්, වේලාවක් හෝ ලබා ගැනීම නැවත දැනුම්දෙන තුරු නවතිනු ඇති.
අමෙරිකා එක්සත් ජනපද පරිපාලනය සාකච්ඡාවකින් පසුව ශිෂ්ය සහ හුවමාරු ආගන්තුක අයදුම්කරුවන්ගේ සමාජ මාධ්ය පරීක්ෂාව පිළිබඳ යාවත්කාලීන මාර්ගෝපදේශ නිකුත් කිරීමට දෙපාර්තමේන්තුව සැලසුම් කරන බව එක්සත් ජනපද රාජ්ය ලේකම් මාර්කෝ රුබියෝ පවසනවා.
ට්රම්ප් පරිපාලනය ඔහුගේ දැඩි සංක්රමණික න්යාය පත්රය ඉටු කිරීම සඳහා දරන පුළුල් උත්සාහයේ කොටසක් ලෙස පිටුවහල් කිරීම් වේගවත් කිරීමට සහ ශිෂ්ය වීසා අවලංගු කිරීමට උත්සාහ කර ඇති බැවින් මෙම පියවර ගෙන ඇති බවයි රොයිටර්ස් පුවත් සේවය වාර්තා කර ඇත්තේ.
හාවඩ් විශ්වවිද්යාල සිසුන් සහ මහාචාර්යවරුන් ඇතුළු සිය ගණනක් විරෝධතාකරුවන් මැයි මස 27 වැනි දින හාවඩ් විශ්වවිද්යාල පරිශ්රයේ විදේශීය සිසුන්ට සහාය දක්වමින් විරෝධතා දැක්වූ අතර, ට්රම්ප් පරිපාලනය විශ්වවිද්යාලයට අරමුදල් කපා හැරීමට දරන උත්සාහයන්ට ද විරෝධය පළ කළා.
