වෙරළබඩ පොලිස් වසමේ ජින්තුපිටිය ප්රදේශයේදී පසුගිය ජනවාරි මාසයේ 16 වැනිදා, වෙඩි තබා පුද්ගලයෙක් ඝාතනය කර දරුවන් දෙදෙනෙක්ට තුවාල සිදුකිරීමේ අපරාධය සම්බන්ධයෙන් පොලිස් කණ්ඩායම් කිහිපයක් විසින් විමර්ශන සිදු කරනු ලබනවා.
ඒ අනුව ඊයේ (10) සවස කෙසෙල්වත්ත පොලිස් වසමේ අක්බාර් පටුමග ප්රදේශයේදී කොළඹ මධ්යම කොට්ඨාස අපරාධ විමර්ශන කාර්යංශයේ නිලධාරීන් කණ්ඩායමකට ලද තොරතුරක් මත ඉහත අපරාධයට ආධාර අනුබල දීම සම්බන්ධයෙන් අවශ්යකර සිටි සැකකරුවෙක් අපරාධයට යොදාගන්නා ලද ත්රීරොද රථය, ව්යාජ අංක තහඩු සවිකරණ ලද යතුරුපැදියක්, ව්යාජ ආදායම් බලපත්රයක් හා අංක තහඩු දෙකක් සමඟ අත්අඩංගුවට ගෙන තිබෙනවා.
සැකකරු වයස අවුරුදු 31 ක් වන කොළඹ 12 ප්රදේශයේ පදිංචිකරුවෙක්.
කොළඹ මධ්යම කොට්ඨාස අපරාධ විමර්ශන කාර්යංශය විසින් වැඩිදුර විමර්ශන සිදුකරනු ලබනවා.
