‘ජාතික භෞතික සැලසුම්කරණ ප්රතිපත්ති කෙටුම්පත – 2048’ ජනාධිපති රනිල් වික්රමසිංහ මහතා වෙත පිළිගැන්වීම ඊයේ (16) පස්වරුවේ ජනාධිපති කාර්යාලයේ දී සිදු වී තිබෙනවා.
නාගරික සංවර්ධන හා නිවාස අමාත්ය ප්රසන්න රණතුංග විසිනුයි කෙටුම්පත ජනාධිපතිවරයා වෙත පිළිගන්වනු ලැබුවේ.
ජාතික භෞතික සැලසුම් දෙපාර්තමේන්තුව විසින් සියලුම අමාත්යාංශ, දෙපාර්තමේන්තු හා ඊට අදාළ අනෙකුත් ආයතනවල ක්රියාත්මක වන විවිධ ව්යාපෘති හා වැඩසටහන් ඇතුළත් කර ‘ජාතික භෞතික සැලසුම්කරණ ප්රතිපත්ති කෙටුම්පත – 2048’ සකස් කර තිබෙනවා.
අනතුරුව එය අන්තර් අමාත්යාංශ ලේකම්වරුන්ගේ කමිටුව විසින් නිර්දේශ කර ජනාධිපතිවරයාගේ සභාපතීත්වයෙන් යුත් ජාතික භෞතික සැලසුම් සභාවේ National Physical Planning Council (NPPC) අනුමැතිය සඳහා මෙලෙස ඉදිරිපත් කරනු ලැබුවා.
මේ අතර ජනාධිපති රනිල් වික්රමසිංහ මහතා සහ එක්සත් ජාතීන්ගේ සංවර්ධන වැඩසටහනේ (UNDP) මෙරට නිත්ය නියෝජිත අසුසා කුබෝටා (Azusa Kubota) මහත්මිය අතර හමුවක් ඊයේ සිදු වුණා.
රජයේ ප්රතිපත්ති ක්රියාත්මක කිරීමේ දී සහ පාර්ලිමේන්තු ආංශීක අධීක්ෂණ කාරක සභා තුළ තරුණ සහභාගීත්වය ඉහළ නංවා ගැනීමේ දී UNDP හි සහාය අපේක්ෂා කරන බවයි ජනාධිපතිවරයා එහිදී ප්රකාශ කළේ.
