ජර්මනියේ සිදුකළ සිව්දින නිල සංචාරය අවසන් කරමින් ජනාධිපති අනුර කුමාර දිසානායක යළි දිවයිනට පැමිණ තිබෙනවා.
ජනධිපතිවරයා සහ ධූත පිරිස අද (15) උදෑසන දිවයිනට පැමිණි බවයි දසත නිවුස් ගුවන්තොටුපොළ වාර්තාකරු සඳහන් කළේ.
ජනාධිපති අනුර කුමාර ඇතුළු ධූත පිරිස උදෑසන 08.58ට දෝහා සිට පැමිණි කටාර් ගුවන් සේවයේ කිව්.ආර්.- 664 දරණ ගුවන් යානයෙන් කටුනායක ගුවන් තොටුපොළ වෙත තිබුණා.
මෙම නිල සංචාරයේ දී ජනාධිපතිවරයා ජර්මානු ජනාධිපති ෆ්රෑන්ක්-වෝල්ටර් ස්ටයින්මියර්, ජර්මානු විදේශ අමාත්ය ජොහාන් වඩෆුල් සහ ජර්මානු ආර්ථික සහයෝගීතා සහ සංවර්ධන අමාත්ය රීම් අලබලි-රඩොවන් යන පිරිස හමු වී ද්වීපාර්ශ්වික සාකච්ඡාවල නිරත වුණා.
එහිදී රජයේ ප්රමුඛතා මත පදනම්ව වෙළෙඳ, ඩිජිටල් ආර්ථික, ආයෝජන සහ වෘත්තීය පුහුණු ආදී ක්ෂේත්රයන්හි දෙරටේ සහයෝගීතාව පුළුල් කෙරෙන නව මාර්ග පිළිබඳව සොයා බැලීම කෙරෙහි විශේෂ අවධානයක් යොමු කෙරුණා.
මීට අමතරව, ජනාධිපතිවරයා ජර්මනියේ සංචාරක හා චාරිකා කර්මාන්ත සංගම්වල නියෝජිතයන්ගේ හමුවකට ද සහභාගී වුණා.
ජර්මනියේ වාණිජ හා කර්මාන්ත මණ්ඩලය විසින් එම සංගම් මුලස්ථානයේදී (DIHK) සංවිධානය කරනු ලැබූ ව්යාපාරික සංසදයට සහභාගී වූ ජනාධිපති අනුර දිසානායක එහි ප්රධාන දේශනය ද සිදු කළා.
ජනාධිපතිවරයා සිය නිල සංචාරය අතරතුර ජර්මනියේ වාසය කරන ශ්රී ලාංකික ප්රජාව හමුවීම ද විශේෂත්වයක්.
