ජපාන විදේශ අමාත්ය යෝකෝ කමිගාවා දෙදින නිල සංචාරයක් සඳහා ලබන 4 වැනිදා ශ්රී ලංකාවට පැමිණෙන බව විදේශ කටයුතු අමාත්යාංශය පවසනවා.
මෙම සංචාරයේදී ඇය ජනාධිපති රනිල් වික්රමසිංහ සහ අග්රාමාත්ය දිනේෂ් ගුණවර්ධන හමුවීමට නියමිතයි.
ඉන් අනතුරුව ජපාන විදේශ අමාත්ය යෝකෝ කමිගාවා ප්රමුඛ දූත පිරිස විදේශ අමාත්ය අලි සබ්රි සමඟ ද්විපාර්ශ්වික සාකච්ඡාවල නිරත වනු ඇත.
මෙහිදී ශ්රී ලංකාවේ ආර්ථික ප්රකෘතිය සඳහා ආධාර කිරීම, ණය ප්රතිව්යුහගත කිරීමේ ක්රියාවලියේදී ජපානයේ සහයෝගීතාව සහ ද්විපාර්ශ්වික සබඳතා තවදුරටත් ශක්තිමත් කිරීම පිළිබඳව සවිස්තරාත්මකව සාකච්ඡා කරනු ඇතැයි අපේක්ෂා කෙරේ.
