ජපානයේ ප්‍රබල භූ චලනයක්

ජපානයේ මධ්‍යම ඉෂිකාවා ප්‍රදේශයේ රිච්ටර් මාපකයේ 6.5 ක ප්‍රබල භූමිකම්පාවක් සිදුවී තිබෙනවා.

එරට වේලාවෙන් පස්වරු 2.42 ට කිලෝමීටර් 12ක් ගැඹුරින් හටගත් භූ කම්පනයෙන් තුවාල සහ ගොඩනැගිලි කඩා වැටීම් ද වාර්තා වී ඇති බවයි එරට මාධ්‍ය වාර්තා කරන්නේ.

මෙම කම්පනය හේතුවෙන් ජනප්‍රිය සංචාරක ගමනාන්තයක් වන Nagano සහ Kanazawa අතර Shinkansen බුලට් දුම්රිය අත්හිටුවන ලද අතර පැය දෙකක පමණ කාලයකට පසුව නැවත ආරම්භ වූ බව ජපාන දුම්රිය සේවය ප්‍රකාශ කළා.

කෙසේවෙතත් මෙම භූ කම්පනයෙන් පසු සුනාමි අනතුරු ඇඟවීමක් නිකුත් කර නැහැ.

ප්‍රධාන කැබිනට් ලේකම් Hirokazu Matsuno හදිසි මාධ්‍ය හමුවකදී පැවසුවේ භූමිකම්පාවෙන් පසු එක් පුද්ගලයෙකු හෘදයාබාධයකට ලක්ව ඇති බවයි.

මධ්‍යම ඉෂිකාවා ප්‍රදේශයේ ෂිකා න්‍යෂ්ටික බලාගාරයේ හෝ අසල්වැසි ප්‍රාන්තයේ Niigata හි Kashiwazaki-Kariwa බලාගාරයේ කිසිදු අසාමාන්‍යතාවයක් වාර්තා නොවූ බව ද කැබිනට් ලේකම්වරයා සඳහන් කර තිබෙනවා.

ජපානයේ කාලගුණ බලධාරීන් පසු කම්පන සම්බන්ධයෙන් අනතුරු අඟවා ඇති අතර විශේෂයෙන්ම ඉදිරි දින තුන තුළ විශාල පරිමාණයේ භූමිකම්පා ඇති විය හැකි බවයි ඔවුන් ප්‍රකාශ කර ඇත්තේ.

සතියක පමණ කාලයක් සෝදිසියෙන් සිටින ලෙස භූමිකම්පා සිදුවන ප්‍රදේශවල පදිංචිකරුවන්ගෙන් ජපාන බලධාරීන් ඉල්ලා තිබෙනවා.

අග්නිදිග ආසියාව හරහා සහ පැසිෆික් ද්‍රෝණිය හරහා විහිදෙන දැඩි භූ කම්පන ක්‍රියාකාරකම්වල චාපයක් වන පැසිෆික් “ගිනි වළල්ල” මත පිහිටා ඇති ජපානයේ භූමිකම්පා බහුලව දක්නට ලැබෙනවා.

මේ හේතුවෙන් ජපානයේ දැඩි ඉදිකිරීම්වලදී රෙගුලාසි ඇති අතර ගොඩනැගිලි ප්‍රබල භූමිකම්පාවලට ඔරොත්තු දිය හැකි බව සහතික කළ යුතුයි.

එමෙන්ම විශාල කම්පනයකට සූදානම් වීම සඳහා හදිසි අභ්‍යාස සාමාන්‍යයෙන් සිදු කරනු ලබනවා.

2007 වසරේ දී එම කලාපයේම නෝටෝ අර්ධද්වීපයේ ධීවර ගම්මානයකට රිච්ටර් මාපක 6.9 ක භූමිකම්පාවක් ඇති වූ අතර, සිය ගණනක් තුවාල ලැබූ අතර ගොඩනැගිලි 200 කට වැඩි ප්‍රමාණයකට හානි සිදු වුණා.

නෝටෝ අර්ධද්වීපය යනු ස්වභාවික දර්ශන සහ මුහුදු ආහාර සඳහා ප්‍රසිද්ධ ජපාන වෙරළ තීරයේ ග්‍රාමීය ප්‍රදේශයක්. 2015 වසරේ සංගණන දත්ත වලට අනුව එම අර්ධද්වීපයේ ජනගහනය 340,000ක් පමණ වනවා.

2011 වසරේ මාර්තු මාසයේදී එහි ඊසාන දෙසින් 18,500ක් පමණ මිය ගිය හෝ අතුරුදහන් වූ සුනාමියක් ඇති කළ රික්ටර් පරිමාණයේ 9.0 ක විශාල මුහුද යට භූමිකම්පාවක් ද සිදු වුණා.

2011 සුනාමිය ජපානයේ ෆුකුෂිමා න්‍යෂ්ටික බලාගාරයේ ප්‍රතික්‍රියාකාරක තුනක් විනාශ වූ අතර, එය ජපානයේ දරුණුතම පශ්චාත් යුධ ව්‍යසනය සහ චෝර්නොබිල්ට පසු දරුණුතම න්‍යෂ්ටික අනතුර ලෙසටයි සැලකෙන්නේ.