ජනාධිපති අරමුදලින් මුදල් ලබාගත් තවත් මැති ඇමතිවරුන්ගේ නම් ලැයිස්තුවක් තමා සතුව ඇති බව කැබිනට් මාධ්‍ය ප්‍රකාශක අමාත්‍ය නලින්ද ජයතිස්ස පවසනවා.
අද (24) පැවති අමාත්‍ය මණ්ඩල තීරණ දැනුම්දීම ප්‍රවෘත්ති සාකච්ඡාවේ දී ඔහු මේ බව සඳහන් කළා.
එම නම් ලැයිස්තුව ප්‍රසිද්ධියට පත්කරන්නේ ද යන්න පිළිබඳව එහිදී මාධ්‍යවේදියෙකු අමාත්‍යවරයාගෙන් විමසා සිටියා.
එහිදී අමාත්‍යවරයා පවසා සිටියේ එම නම් ලැයිස්තුව ඉදිරි පාර්ලිමේන්තු සභාවාරයක දී ප්‍රසිද්ධියට පත් කරන බවයි.
ඊට අමතවර විපක්ෂ නායක සජිත් ප්‍රේමදාස විසින් ඉදිරිපත් කළ ඔහුගේ අධ්‍යාපන සුදුසුකම්වල සහතිකවල නිවැරදිතාවය පිළිබඳව සොයා බැලීමට ද ඇති බවයි අමාත්‍ය නලින්ද ජයතිස්ස මෙහිදී වැඩිදුරටත් පැවසුවේ.
