චන්දු ලෙස හඳුන්වන තෙළිඟු රූපවාහිනී නළු චන්ද්‍රකාන්ත් තෙලන්ගානා ප්‍රාන්තයේ අල්කාපූර් හි පිහිටි ඔහුගේ නිවසේ දී සියදිවි නසාගෙන ඇති බව වාර්තා වනවා.
ඔහු ඊයේ (17) මෙලෙස සියදිවි නසාගෙන ඇති අතර, ඔහුගේ අභාවය පිළිබඳ පුවත තෙළිඟු රූපවාහිනී ක්ෂේත්‍රය දැඩි ශෝකයට පත් කර ඇති බවයි ඉන්දීය මාධ්‍ය වාර්තා කළේ.
ඔහුගේ සම නිළිය සහ ආදරණීය මිතුරිය වූ පවිත්‍රා ජයරාම් මාරක රිය අනතුරකින් ඛේදජනක ලෙස මියාම සම්බන්ධයෙන් ඔහු පසුගිය දින කිහිපය තුළම දැඩි මානසික අවපීඩනයෙන් පෙළෙමින් සිට ඇති බවයි වාර්තා වන්නේ.
ඒ, අනුව චන්ද්‍රකාන්ත් මෙලෙස ඔහු සහ නිළි පවිත්‍රා ජයරාම් පදිංචිව සිටි අල්කාපූර් හි නිවසේ ම ගෙල වැළලාගෙන ඇති බව සඳහන්.
තෙළිඟු රූපවාහිනී නිළියක් වන පවිත්‍රා ජයරාම් තෙලන්ගානා ප්‍රාන්තයේ දී පසුගිය ඉරිදා සිදු වූ දරුණු රිය අනතුරකින් ජීවිතක්ෂයට පත් වුණා.
ඇයගේ මෝටර් රථය පාලනය කරගත නොහැකිව පෙරළීමෙන් මෙම අනතුර සිදුව ඇති බවයි තොරතුරු වාර්තා වුණේ.
මෙම අනතුරින් නළු චන්ද්‍රකාන්ත්, පවිත්‍රාගේ ඥාති සොහොයුරියක් සහ රියදුරු ද බරපතල තුවාල ලැබුවා.
මේ අතර ඉන්දීය මධ්‍ය වාර්තා කරන්නේ පවිත්‍රා සහ චන්ද්‍රකාන්ත් අතර ආදර සම්බන්ධයෙන් තිබූ බවටයි.
.
