චීනයේ පැවැත්වෙන ජාත්යන්තර සහයෝගීතාව සඳහා වන 03 වන “එක් තීරයක් – එක් මාවතක්” සමුළුව සඳහා සහභාගි වීමට ජනාධිපති රනිල් වික්රමසිංහ මහතා අද (15) රාත්රියේ දිවයිනෙන් පිටත්ව යාමට නියමිතව තිබෙනවා.
මේ අනුව ජනාධිපතිවරයා හෙට (16) සිට 20 වනදා දක්වා චීනයේ සිව් දින නිල සංචාරයකට එක් වනු ඇති බවයි ජනාධිපති මාධ්ය අංශය සඳහන් කළේ.
ජනාධිපතිවරයා දිවයිනෙන් බැහැර වන එම කාලසීමාව තුළ ඔහු යටතේ පවතින අමාත්යාංශවල රාජ්ය අමාත්යවරුන්ට වැඩබලන අමාත්ය ධූරයන්හි වගකීම් පවරා තිබෙනවා.
ඒ අනුව හෙට (16) සිට ක්රියාත්මක වන පරිදි රාජ්ය අමාත්ය ප්රමිත බණ්ඩාර තෙන්නකෝන් මහතා වැඩබලන ආරක්ෂක අමාත්යවරයා ලෙසත්, රාජ්ය අමාත්ය රංජිත් සියඹලාපිටිය මහතා වැඩබලන මුදල් අමාත්යවරයා ලෙසත්, රාජ්ය අමාත්ය කනක හේරත් මහතා වැඩබලන තාක්ෂණ හා ආයෝජන ප්රවර්ධන අමාත්යවරයා ලෙසත්, රාජ්ය අමාත්ය අනුප පස්කුවල් මහතා වැඩබලන කාන්තා, ළමා කටයුතු හා සමාජ සවිබල ගැන්වීම් අමාත්යවරයා ලෙසත්, වනජීවි හා වන සම්පත් සංරක්ෂණ අමාත්ය පවිත්රා වන්නිආරච්චි මහත්මිය වැඩබලන පරිසර අමාත්යවරිය ලෙසත් පත් කර තිබෙනවා.
