ජාත්යන්තර මූල්ය අරමුදල විසින් ක්රියාත්මක කෙරෙන වැඩසටහනේ ඉදිරි පියවර පිළිබඳව සාකච්ඡා කිරීම සඳහා එහි ජ්යෙෂ්ඨ දූත මණ්ඩල ප්රධානී පීටර් බෲවර් සමඟ ජාත්යන්තර මූල්ය අරමුදලේ නියෝජිත කණ්ඩායම ඊයේ (18) පස්වරුවේ ජනාධිපති ලේකම් කාර්යාලයේ දී ජනාධිපති අනුර කුමාර දිසානායක සහ නව රජයේ අමාත්යවරු පිරිසක් හමු වුණා.
තම රජය විසින් දිනා ගනු ලැබූ ජනවරමත් සමඟ ශ්රී ලංකාවේ ආර්ථිකය ප්රතිසාධනය කර ගනිමින් ජාත්යන්තර මූල්ය අරමුදල සමඟ සහයෝගයෙන් කටයුතු කිරීමට සූදානම් බව මෙහිදී ජනාධිපති අනුර කුමාර නැවත වරක් තහවුරු කරනු ලැබුවා.
මෙහිදී ජාත්යන්තර මූල්ය අරමුදලේ නියෝජිත කණ්ඩායම, ජනාධිපතිවරයා ඇතුළු කණ්ඩායම විසින් ලබාගන්නා ලද තීරණාත්මක මැතිවරණ ජයග්රහණය පිළිබඳව සිය සුබ පැතුම් එක් කළ අතර, නව රජය සමඟ සහයෝගයෙන් කටයුතු කිරීමට බලාපොරොත්තු වන බවද සඳහන් කළා.
IMF වැඩසටහනේ සාර්ථකත්වය රඳා පවතින්නේ පවත්නා පාලනය කෙරෙහි මහජනතාවගේ විශ්වාසය ගොඩනැඟීම මත බව අවධාරණය කළ ජනාධිපතිවරයා, ජනවරමට අනුව කටයුතු කිරීම තම පරිපාලනයේ වගකීම බව අවධාරණය කර සිටියා.
ජනතාවගේ හදිසි අවශ්යතා සපුරාලීම වෙනුවෙන් තම රජය කැපවිමෙන් කටයුතු කරන බව සඳහන් කළ ජනාධිපතිවරයා, පුරවැසියන් මුහුණ දෙන දුෂ්කරතා පිළිබඳව ද සලකා බලා සමබර ප්රවේශයක් අනුගමනය කරන ලෙස ජාත්යන්තර මුල්ය අරමුදලෙන් ඉල්ලීමක් ද සිදුකළා.
තම නායකත්වය යටතේ ළමා දරිද්රතාවය සහ මන්දපෝෂණය පිටුදැකීම මෙන්ම විශේෂ අවශ්යතා සහිත පුද්ගලයන් සඳහා සහයෝගය ලබාදීම ආදී අත්යවශ්ය සුබසාධනයට ප්රමුඛත්වය දෙමින්, සමාජ සේවා සඳහා වන ප්රතිපාදන ඵලදායී ලෙස භාවිත කරන බවට ද ජනාධිපතිවරයා සහතික වුණා.
පසුගිය කාලයේ සමාජ සේවා වියදම් සඳහා වූ ප්රතිපාදන සම්පූර්ණයෙන්ම ප්රයෝජනයට ගෙන නොතිබූ බව ජාත්යන්තර මූල්ය අරමුදලේ නියෝජිත පිරිස මෙහිදී සඳහන් කළ අතර, සම්පත් කාර්යක්ෂමව වෙන් කිරීම සහ භාවිතය සහතික කිරීම සඳහා අවශ්ය ක්රියාමාර්ග අනුගමනය කිරීම පිළිබඳවද මෙහි දී ජනාධිපතිවරයාව දැනුවත් කළා.
රට පාලනය කිරීම සහ දූෂණයට එරෙහි වීම යන කරුණු පිළිබඳව මෙහි දී ප්රධාන වශයෙන් සාකච්ඡාවට ලක් වුණා.
ජනතාව ලබා දුන් ජනවරමේ ප්රධාන අංගයක් වන දූෂණයට එරෙහි සටන සඳහා තමන් හා තම රජය කැපවීමෙන් කටයුතු කරන බව ජනාධිපතිවරයා මෙහි දී අවධාරණය කළා.
එම කටයුතුවල විනිවිදභාවය සහ වගවීම තහවුරු කිරීම සඳහා ව්යවස්ථාදායක සහ අනෙකුත් ආයතනික ව්යුහ වැඩිදියුණු කිරීම සඳහා තම රජය දැඩි නීති රීති ක්රියාත්මක කරන බව ජනාධිපති අනුර කුමාර දිසානායක IMF කණ්ඩායම හමුවේ ප්රකාශ කරනු ලැබුවා.
මෙම හමුව රජය සහ ජාත්යන්තර මූල්ය අරමුදල අතර සහයෝගීතාවයේ සාධනීය ඉදිරි පියවරක් සනිටුහන් කරනු ලැබූ අතර, එමඟින් ආර්ථිකය ප්රතිසාධනය සහ දිගුකාලීන ස්ථාවරත්වය සඳහා අදාළ සම්බන්ධීකරණ කටයුතු වෙනුවෙන් අවශ්ය මූලික වටපිටාව සකස් කෙරුණා.
IMF කණ්ඩායම මෙයට පුථම ඇසූ නොමැති රාජ්ය පාලනය ක්රම සහ විවුහය පිලිබද සත්ය තොරතුරු මත ගෙන යන දෙපාර්ශ්වය එකගතා ඉවතලා නොහැකි තත්වයක් මත සාර්ථක එකගතාවයකට ඒමට ජනාධිපතිතුමා සාර්ථක වූ බව කිවහැක