හෙට (14) දිනයේ පැවැත්වෙන පාර්ලිමේන්තු මහ මැතිවරණයට අදාළ ඡන්ද පෙට්ටි සහ ලිපිද්රව්ය නිකුත් කිරීම අද (13) දිනය තුළ දී සිදුකරන බව මැතිවරණ කොමිෂන් සභාව පවසනවා.
ඒ, අනුව එම කටයුතු අද (13) පෙරවරුවේ සිට පස්වරු 4.00 දක්වා දිස්ත්රික් ලේකම් කාර්යාල 25 ඇතුළු මධ්යස්ථාන 49ක් හරහා සිදුකිරීමට නියමිතයි.
10 වන පාර්ලිමේන්තුව වෙනුවෙන් සභිකයින් තෝරාපත්කර ගැනීම වෙනුවෙන් දිවයින පුරා පිහිටි ඡන්ද මධ්යස්ථාන 13,314ක් සඳහා මෙලෙස ඡන්ද පෙට්ටි සහ ලිපිද්රව්ය නිකුත් කිරීමේ කටයුතු සිදුකරනවා.
මේ අතර ඡන්ද පෙට්ටි ප්රවාහනය සඳහා විශේෂ ආරක්ෂක වැඩපිළිවෙළක් ද ක්රියාත්මක බව පොලිස් මාධ්ය ප්රකාශක නියෝජ්ය පොලිස්පති නීතිඥ නිහාල් තල්දූව සඳහන් කළා.
එමෙන්ම සියලුම ඡන්ද මධ්යස්ථානවල රාජකාරී කරනු ලබන කාර්ය මණ්ඩල සඳහා මැතිවරණ පෙරහුරුවක් අද (13) දියේ දී සිදුකරන බවයි මැතිවරණ කොමිෂන් සභාව සඳහන් කළේ.
මෙවර පාර්ලිමේන්තු මැතිවරණයේ ඡන්ද විමසීම හෙට (14) පෙරවරු 7.00ට ආරම්භ වී පස්වරු 4.00ට අවසන් වනවා.
ඡන්දය ප්රකාශ කිරීම වෙනුවෙන් ඡන්ද දායකයින් සංඛ්යාව 171,403,54ක් සුදුකම් ලබා ඇති අතර,තරග වදින අපේක්ෂකයින් සංඛ්යාව 8352ක්.
