මෙවර මහ මැතිවරණයේ ඡන්ද විමසීමේ ක්රියාවලියේ ඡන්දය භාවිත කිරීමේ ප්රතිශය 60% -65%ත් අතර අවම මට්ටමක පැවතිය ද අද (14) මැතිවරණය ඉතිහාසයේ සාමකාමී ම මැතිවරණයක් ලෙස සැලකිය හැකි බව
පැෆ්රල් සංවිධානයේ විධායක අධ්යක්ෂ රෝහණ හෙට්ටිආරච්චි මහතා පවසනවා.
අද පැවති මාධ්ය හමුවක දී ඒ මහතා කියා සිටියේ; ඉතිහාසයේ පැවති මහ මැතිවරණ අතුරින් සාමකාමී ම මැතිවරණය මෙය ලෙස හැඳින්විය හැක්කේ මැතිවරණ නීති උල්ලංඝනය කිරීම, රාජ්ය දේපොළ අවභාවිතා කිරීම ආදිය සැලකිය යුතු මට්ටමකින් පහත වැටී තිබූ නිසා බවයි.
දේශපාලන පක්ෂ නිදහස් අයුරින් සිය මැතිවරණ ප්රචාරක කටයුතු සිදු කළ අතර ඡන්ද දායකයින් ද සාමකාමී අයුරින් සිය ඡන්දය ලබා දුන් බව ද පැෆ්රල් සංවිධානය පවසනවා.
එබැවින් ප්රතිශතාත්මකව අවම අගයක ඡන්දය භාවිත කිරීම පැවතිය ද මෙවර මැතිවරණය ගෞරවණීය මැතිවරණයක් ලෙස සැලකිය හැකි බවයි මැතිවරණ නිරීක්ෂකයින් සඳහන් කරන්නේ.
