චූන් පාන් රියකට කුඩා දැරියක් බිලි

මන්නාරම පොලිස් වසමේ තාල්වුපාඩු – තාරපුරම් මාර්ගයේ සිදු වූ රිය අනතුරකින් කුඩා දැරියක් ජීවිතක්ෂයට පත්ව තිබෙනවා.

ඊයේ (18) පස්වරුවේ සිදුවූ මෙම අනතුරින් ජීවිතක්ෂයට පත්ව ඇත්තේ වයස අවුරුදු 01යි මාස 06ක් වයසැති දැරියක්.

බේකරි ආහාර ද්‍රව්‍ය රැගෙන යන ත්‍රීරෝද රථයක මෙම දැරිය ගැටී ඇති අතර, අනතුරින් තුවාල ලැබූ දැරිය මන්නාරම රෝහලට ඇතුළත් කිරීමෙන් පසු මියගොස් තිබෙනවා.

මන්නාරම පොලිසිය විසින් අනතුර සම්බන්ධයෙන් වැඩිදුර විමර්ශන සිදුකරනු ලබනවා.