තායිවාන විදේශ කටයුතු අමාත්යාංශය (MOFA) පැරගුවේ රාජ්යය වෙත විශේෂ ස්තුතියක් පුද කර තිබෙනවා.
ඒ චීන සමූහාණ්ඩුවේ පැරගුවේ රාජ්ය තාන්ත්රිකවරයෙකු වශයෙන් කටයුතු කළ Xu Wei ව ධුරයෙන් නෙරපා හැරීම හේතුවෙන්.
තායිවානය සහ චීනය අතර උග්ර දේශ සීමා සහ රාජ්යයේ හිමිකාරීත්වය පිළිබඳ ව ගැටලු ඇති පසුබිමක දී තායිවානයේ මිත්ර රාජ්යයක් වන පැරගුවේ මෙම දේශපාලනික බලපෑමක් ජාත්යන්තරව ඇති කළ හැකි තීන්දුව සම්බන්ධයෙන් බොහෝ දෙනාගේ අවධානය ද යොමු ව තිබෙනවා.
පැරගුවේ චීන රාජ්ය තාන්ත්රිකවරයා වන Xu Wei පැරගුවෙන් ඉල්ලා ඇත්තේ බීජිං සමග ව පක්ෂව තායිපේ සමග සියලු රාජ්ය තාන්ත්රික සබඳතා අත් හරින ලෙසටයි.
නමුත් ඊට පැරගුවෙන් අවසරයක් හෝ එකඟතාවක් හිමිව නැහැ.
Taipei Times වාර්තා කර ඇත්තේ තායිවානයට එරෙහිව චීනයේ අනීතික මැදිහත් වීම්වලට පැරගුවේ රාජ්යයෙන් විරුද්ධත්වය පා මෙම තීරණය ගෙන ඇති බවයි.
ඒ අනුව චීන රාජ්ය තාන්ත්රිකයෙකුගේ වීසා බලපත්රයක් අවලංගු කර ඔහුට රට හැර යන ලෙසට නියෝග කර ඇති බවයි පැරගු දේශයෙන් වාර්තා වන්නේ.
තායිවාන විදේශ අමාත්යාංශය Xu Wei හට “දේශීය කටයුතුවලට මැදිහත් වූ” බවට චෝදනා කළ අතර, එරට තායිවානයේ තානාපති කාර්යාලය ඔහුට චෝදනා කළේ පැරගුවේ රාජ්යය “ආක්රමණය කර” චීනයට හිමිකම් කියන තායිවානය සමඟ ඇති සබඳතාව අඩපණ කිරීමට උත්සාහ කළ බවටයි.
