චීන ජනාධිපති ෂි ජින්පින් විසින් ලබාදුන් ලිපියක් ජනාධිපති රනිල් වික්රමසිංහ වෙත චීන උප අමාත්ය චෙන් ෂෝ විසින් ලබාදී තිබෙනවා.
ඒ අද පස්වරුවේ චීන කොමියුනිස්ට් පක්ෂ නියෝජිතයන් ජනාධිපතිවරයා හමුවූ අවස්ථාවේදීයි.
මෙරට චීන තානාපති කාර්යාලය සඳහන් කළේ උප ඇමති චෙන් ෂෝ අද සවස ජනාධිපති සහ එජාප නායක රනිල් වික්රමසිංහ හමුවූ අතර, චීන කොමියුනිස්ට් පක්ෂයේ මධ්යම කාරක සභාවේ ප්රධාන ලේකම් සහ චීන ජනාධිපති ෂී ජින්පින්ගේ ලිපියක් ශ්රී ලංකා ජනාධිපති වෙත ලබාදුන් බවයි.
චීන නියෝජිත පිරිස ද්විපාර්ශ්වික සහයෝගීතාව සහ පක්ෂ අතර තොරතුරු හුවමාරු කර ගැනීම පිළිබඳ මිත්රශීලී සහ ඵලදායී සංවාදයක් පැවැත්වූ බව චීන තානාපති කාර්යාලය ප්රකාශ කළා.
ජනාධිපති රනිල් වික්රමසිංහ මහතා මෙහිදී සඳහන් කර ඇත්තේ මේ මොහොතේ ශ්රී ලංකාවේ ණය ප්රතිව්යුහගත කිරීමට මෙන්ම නුදුරු අනාගතයේ දී රටේ ආර්ථිකයටත් චීනයේ සහාය බලාපොරොත්තුවන බවයි.
