ඌව පළාතේ ප්රධාන අමාත්යවරයා වශයෙන් කටයුතු කළ අවධියේ එම පළාත් සභාවට අයත් ස්ථාවර තැන්පතු ගිණුම් ඉවත් කරගැනීමෙන් රජයට රුපියල් ලක්ෂ එකසිය හැත්තෑ හයකට අධික පාඩුවක් සිදුකළේ යැයි සඳහන් කරමින් පාර්ලිමේන්තු මන්ත්රී චාමර සම්පත් දසනායක මහතා සම්බන්ධයෙන් සිදුකරන විමර්ශන තවමත් අවසන් කර නොමැති බව අල්ලස් කොමිසම කොළඹ මහෙස්ත්රාත් අධිකරණයට දැනුම්දුන්නා.
මෙම පැමිණිල්ල අද (17) කොළඹ ප්රධාන මහෙස්ත්රාත් තනූජා ලක්මාලී ජයතුංග මහත්මිය හමුවේ කැඳවනු ලැබුවා.
එහිදී මෙම සිද්ධිය සම්බන්ධයෙන් ඇප මත මුදාහැර සිටින චාමර සම්පත් දසනායක මහතා ද අධිකරණය හමුවේ පෙනී සිටියා.
අල්ලස් කොමිසම වෙනුවෙන් පෙනී සිටි නිලධාරීන් අධිකරණය හමුවේ කරුණු දක්වමින් මෙම සිද්ධියට අදාළ විමර්ශන කටයුතු අවසන් කර නොමැති බව දැනුම් දුන්නා.
විමර්ශන කටයුතු අවසන් කර අධිකරණයට කරුණු වාර්තා කිරීම සඳහා දිනයක් ලබාදෙන ලෙස එම නිලධාරීන් අධිකරණයෙන් ඉල්ලා සිටියා.
ඒ අනුව ඉදිරිපත් වූ කරුණු සලකා බැලූ මහෙස්ත්රාත්වරිය මෙම පැමිණිල්ල යළි නොවැම්බර් මස 18 වැනිදා කැඳවන ලෙස නියම කළා.
