ඉන්දියාව සමඟ ගාල්ලේ දී පැවැත්වෙන පළමු ටෙස්ට් තරගයේ දී ආබ්ධයකට ලක් වූ දිනේෂ් චන්දිමාල් වෙනුවට පසිඳු සූරියබණ්ඩාර ආදේශක ක්‍රීඩකයෙකු ලෙස ශ්‍රී ලංකා කණ්ඩායමට එක් කිරීමට තීරණය කර තිබෙනවා.
එම ආදේශයනය සඳහා තරග තීරකවරයාගේ අනුමැතිය ද හිමිව ඇති බව සඳහන්.
තරගයේ සිව්වන දිනය වූ අද දිනයේ පන්දු රකිමින් සිටි දිනේෂ් චන්දිමාල් හතරේ පහරක් වැළැක්වීමට උත්සාහ කිරීමේ දී ආබාධයකට ලක් වුණා.
එම අවස්ථාවේ දී ඔහුගේ උරහිස සහ හිස ක්‍රීඩාංගණයේ බිමට තදින් ගැටී ඇති අතර, අනතුරුව ඔහුව ආරක්ෂිත පියවරක් ලෙස රෝහල් ගතකර ස්කෑන් පරීක්ෂණයකට යොමු කර තිබෙනවා.
එම ස්කෑන් පරීක්ෂණයේ දී අභ්‍යන්තර ආබාධයක කිසිදු සලකුණක් නොමැති බවට තහවුරු වී තිබෙනවා.
