ගුවන් යානයක එන්ජිමකට පැන සියදිවි නසා ගත් පුද්ගලයෙක් පිළිබඳ පුවතක් විදෙස් මාධ්‍ය වාර්තා කරනවා.
35 හැවිරිදි ඇන්ඩ්‍රියා රුසෝ නැමැති පුද්ගලයෙක් මෙලෙස පණ ගන්වා තිබූ ගුවන්යානයක එන්ජිමට පැන සියදිවි නසාගෙන ඇති බවයි වාර්තා වන්නේ.
ඉතාලියේ මිලාන් බර්ගමෝ ගුවන්තොටුපළේ දී පසුගිය අඟහරුවාදා මෙම සිදුවීම සිදුව තිබෙනවා.
ගුවන් තොටුපොළේ ධාවනය පථයට නීති විරෝධී ලෙස ඇතුළු වී ඇති මෙම පුද්ගලයා මිලාන් සිට ඇස්ටූරියස් දක්වා ගුවන් ගතවීමට නියමිතව තිබූ එයාර්බස් A319 ගුවන් යානයේ එන්ජිමකට පැන මෙලෙස සියදිවි හානිකරගෙන ඇති බවයි වාර්තා වුණේ.
ධාවනය පථයට නීති විරෝධී ලෙස ඇතුළු වූ මෙම පුද්ගලයා අල්ලා ගැනීමට ආරක්ෂක නිලධාරීන්ට උත්සාහයක යෙදුනද එම උත්සාහයන් ව්‍යාර්ථ වී තිබෙනවා.
මිලානෝ පොලිස් ආරංචි මාර්ග පැවසුවේ මෙම පුද්ගලයාට මත්ද්‍රව්‍ය සම්බන්ධ ගැටළු පිළිබඳ ඉතිහාසයක් ඇති නමුත්, ඔහු තම ජීවිතය නැවත ගොඩනඟා ගැනීමට උත්සාහ කරමින් සිටි අයෙක් බවයි.
