අබිරහස් ලෙස ජීවිතක්ෂයට පත් වූ ගුරුවරයෙකුගේ මළසිරුරක් ළිඳකින් හමු වී තිබෙනවා.
අප ප්‍රාදේශීය වාර්තාකරු පැවසුවේ මෙම සිදුවීම වවුනියාව – නෙළුකුලම් ප්‍රදේශයේ තොටකනි ළිඳෙන් හමු වූ බවයි.
ඒ අසලින් ගිය පුද්ගලයෙකු විසින් ලබා දුන් තොරතුරකට අනුවයි අද (06) පෙරවරුවේ මෙම මළ සිරුර පොලිසියේ මැදිහත් වීමෙන් ගොඩගනු ලැබුවේ.
මෙලෙස මියගොස් ඇත්තේ වව්නියාව, වෙප්පන්කුලම මුස්ලිම් මහා විද්‍යාලයේ තොරතුරු තාක්ෂණ ඉගැන්වීමේ ගුරුවරයෙකු වන ක්‍රිෂාන් නමැත්තෙකු බවයි හෙළි ව ඇත්තේ.
මළ සිරුර ගොඩගත් ළිඳ අසල තිබී ගුරුවරයාගේ පාපැදිය, පාවහන් සහ කුඩය ද පොලිසිය විසින් සොයාගෙන තිබෙනවා.
මේ සම්බන්ධයෙන් නෙළුම්කුලම පොලිසිය වැඩිදුර පරීක්ෂණ පවත්වනවා.
