ගෘහස්ථ ගෑස් සිලින්ඩර අලෙවි කිරීමේදී අදාළ මිල ගණන් වෙළෙඳසැල තුළ ප්රදර්ශනය කිරීම අනිවාර්ය බව පාරිභෝගික කටයුතු පිළිබඳ අධිකාරිය පවසයි.
නියමිත මිල ගණන්වලට වඩා ඉහළ මිලකට ගෘහස්ථ ගෑස් සිලින්ඩර අලෙවි කරන බවට පැමිණිලි ලැබී ඇති බව එම අධිකාරිය සඳහන් කරයි.
ඒ අනුව ගෑස් අලෙවි නියෝජිතයින් විසින් ගෑස් අලෙවි කරන මිල ගණන් පාරිභෝගිකයින්ට ඉතා හොඳින් පෙනෙන ආකාරයෙන් ප්රදර්ශනය කිරීම අනිවාර්ය බව ඔවුන් පවසා සිටී.
පාරිභෝගික කටයුතු පිළිබඳ අධිකාරිය පෙන්වාදෙන්නේ ගෑස් අලෙවි නියෝජිතයින් නියම කර ඇති මිල ගණන්වලට වඩා වැඩි මිලට ගෑස් සිලින්ඩර අලෙවි කිරීම සහ ගෑස් තොග තබාගෙන අලෙවි කිරීම ප්රතික්ෂේප කිරීම ද සිදුනොකළ යුතු බවය.
වැඩි මිලට ගෑස් සිලින්ඩර අලෙවි කරන සහ ගෑස් තොග තබාගෙන අලෙවි කිරීම ප්රතික්ෂේප කරන වෙළඳුන් සොයා දිවයින පුරා වැටලීම් සිදුකරන අතර අදාළ වෙළඳුන්ට එරෙහිව නීතිය දැඩිව ක්රියාත්මක කරන බව පාරිභෝගික කටයුතු පිළිබඳ අධිකාරිය පැවසුවේය.
wpDiscuz
