කැනඩාවේ නව අමාත්ය මණ්ඩලයේ අමාත්ය ධුරයක් සඳහා ශ්රී ලාංකීක දෙමළ සම්භවයක් සහිත ගැරී ආනන්දසංගරීට හිමිව තිබෙනවා.
ඒ, අනුව ගැරී ආනන්දසංගරීට එරට අධිකරණ අමාත්ය ධුරය හිමිව ඇති බවයි වාර්තා වුණේ.
කැනඩාවේ අධිකරණ අමාත්ය ධුරයට තේරීපත් වූ පළමු දෙමළ-කැනේඩියානු ජාතිකයා ලෙස ඔහු ඉතිහාසයට එක්වනවා.
ගැරී ආනන්දසංගරී; මෙරට හිටපු පාර්ලිමේන්තු මන්ත්රීවරයෙක් වන වී. ආනන්දසංගරීගේ පුත්රයෙක්.
යාපනයේ උපත ලැබූ ගැරී ආනන්දසංගරී 1983 වසරේ දී කැනඩාවට ගොස් ඇති අතර, එහිදී ඔහු දෙමළ ජාතීන්ගේ අයිතිවාසිකම් වෙනුවෙන් දිගු කාලයක සිට පෙනී සිටින අයෙක්.
දේශපාලනයට පිවිසීමට පෙර ගැරී ආනන්දසංගරී නීතිඥවරයෙකු සහ ප්රජා උපදේශකයෙකු ලෙස කටයුතු කර තිබෙනවා.
