පසුගිය මාසයේ ඇෆ්ගනිස්ථානයේ සහ පාකිස්තානයේ තලේබාන්වරුන් අතර මාරාන්තික ගැටුම්වලින් පසුව, ඇෆ්ගනිස්ථාන සංක්‍රමණිකයින් ආපසු යැවීමේ උත්සාහයන් පකිස්ථාන බලධාරීන් විසින් තීව්‍ර කර ඇති අතර, ඇෆ්ගන්වරු විසින් පවත්වාගෙන යනු ලබන වෙළඳසැල් සහ කුලියට ගත් නිවාස ආශ්‍රිතව පොලිස් වැටලීම් වැඩි කිරීම ද ඊට ඇතුළත්.
මෙම උත්සන්න වීම දේශසීමා ප්‍රදේශවලින් ඔබ්බට දැනී ඇති අතර, අගනුවර වන ඉස්ලාමාබාද් සහ ඒ අසල රාවල්පින්ඩි දක්වා විහිදේ.
නීතිමය ප්‍රතිවිපාකවලට බියෙන් ඉඩම් හිමියන් ඇෆ්ගන් කුලී නිවැසියන් ඉවත් කර හෝ කල්බදු අලුත් කිරීම් ප්‍රතික්ෂේප කර ඇතැයි ද සඳහන්.
පාකිස්තානයේ ජීවත් වන ඇෆ්ගනිස්ථානුවන් තම වීසා අලුත් කිරීමට උත්සාහ කළහොත් බරපතල බාධකවලට මුහුණ දෙයි, එය මිල අධික, අවිනිශ්චිත සහ බොහෝ විට සැලකිය යුතු ප්‍රමාදයන්ට භාජනය වන ක්‍රියා පටිපාටියක්.
පසුගිය සති දෙක තුළ, පකිස්ථානයේ දීර්ඝ කාලයක් පුරා පදිංචි වී සිටින සහ වඩා ස්ථාවර ජීවිතයක් ගත කරන ඇෆ්ගනිස්ථානුවන් උපුටා දක්වමින් විසේ මාධ්‍ය වාර්තා කළේ පොලිසිය ඉස්ලාමාබාද් සහ රාවල්පින්ඩි හි විවිධ ප්‍රදේශවල නිවාස සෝදිසි කරමින් සිටින බවයි.
පකිස්ථානයේ නීත්‍යානුකූලව රැඳී සිටීමට උත්සාහ කරන අයට වැටලීම් සහ නිමක් නැති නිලධාරිවාදී බාධක වලට අමතරව, පකිස්ථාන පොලිසිය දැන් පල්ලිවල නිවේදන නිකුත් කිරීමට පටන් ගෙන ඇත්තේ, ඇෆ්ගන් සංක්‍රමණිකයින්ට නිවාස හෝ ගබඩා ලබා දීම ඇතුළුව උදව් කරන ඕනෑම අයෙකු රජය විසින් අපරාධකරුවෙකු ලෙස සලකනු ඇති බවට අනතුරු අඟවමි්
දශක ගණනාවක් තිස්සේ පකිස්ථානයේ ජීවත් වී සහ රැකියාවේ නිරතව ඇති බොහෝ නාගරික ඇෆ්ගනිස්ථානුවන් මෙම ප්‍රතිපත්තිමය වෙනස සම්බන්ධයෙන් කම්පනයට පත්ව සිටිනවා.
