ගාල්ල වරාය සංවර්ධනය කර සංචාරකයින් සඳහා එම වරාය වැඩිදියුණු කිරීමට ආයෝජකයින්ට ආරාධනා කිරීමේ සමුළුවක් පවත්වා තිබෙනවා.
වරාය හා නාවික අමාත්‍යරෝහිත අබේගුණවර්ධන ගේ ප්‍රධානත්වයෙන් එම සමුළුව පැවැත්වුණා.
“පසුගිය මාසයේ අපිට පුළුවන්කම ලැබුණා නැගෙනහිර පර්යන්තයේ වැඩ ආරම්භකරන්න. පෙබරවාරී මාසයේ බටහිර පර්යන්තයෙත් වැඩ පටන්ගන්න බලාපොරොත්තු වෙනවා. ඒ තුළින් අපි බලාපොරොත්තු වෙනවා මේ රටේ වරාය ක්ෂේත්‍රයේ අපි කරන මෙහෙයුම්වල 100%ක් ධාරිතාව වැඩිකරන්න. ගාල්ල වරාය අපි සඳහන් කළා, මෙය සංචාරක වරායක් බවට වැඩිදියුණු කරනවා කියලා. ඒ අනුව තමයි අද දවසේදී දේශීය සහ විදේශිය අයෝජකයින් කැදෙව්වේ. ඉදිරියේදී බලාපොරොත්තු වෙනවා නව දියකඩනයක් ඉදිකරන්න. ඒ දියකඩනය ඉදිකිරීමත් සමග වරාය නගරය හා සමානව හෙක්ටයාර 40ක භූමියක් අපිට ලැබෙනවා. කොළඹ වරාය නගරය හා සමානවම ගාලු පුරවරයේ පෞද්ගලික ආයෝජකයින් විසින් සාප්පු සංකීරණ, හෝටල් මේ සියල්ල ඉදිවෙනවා.” එහිදී අදහස් දක්වමින් අමාත්‍ය රෝහිත අබේගුණවර්ධන කියා සිටියා.
ගාල්ලත් චීනට.. 🙏🙏