ගමනා ගමන මණ්ඩලයට අයත් බස් රථයක් සහ පෞද්ගලික බස් රථයක් එකිනෙක ගැටීමෙන් අද (21) අලුයම අනතුරක් සිදුව තිබෙනවා.
කෑගල්ල, ගලිගමුව, අඹන්පිටිය ප්රදේශයේ අද (21) අලුයම 5.20ට පමණ මෙම අනතුර සිදුව ඇති බවයි පොලිසිය පැවසුවේ.
මෙලෙස අනතුරට ලක්ව ඇත්තේ කෑගල්ල සිට රත්නපුරය දක්වා ධාවනය වූ පෞද්ගලික බස් රථයක් සහ වේරගොඩ සිට කෑගල්ලට ධාවනය වූ ලංගම බස් රථයක්.
මෙම අනතුරින් පුද්ගලයින් 26 දෙනෙක් තුවාල ලබා ඇති බවයි කෑගල්ල පොලිසිය සඳහන් කළේ.
අනතුරින් තුවාල ලැබූවන් කෑගල්ල සහ වරකාපොළ යන රෝහල්වලට ඇතුළත් කර තිබෙනවා.
