මෙරට සිදුව ඇති සියලුම ගල් අඟුරු ගනුදෙනු පිළිබඳ විමර්ශනය සඳහා පත්කළ ජනාධිපති විමර්ශන කොමිෂන් සභාව ලබන සතියේ සිය කටයුතු ආරම්භ කිරීමට නියමිත බවට තොරතුරු වාර්තා වනවා.
ඒ සඳහා කොළඹ කාර්යාලයක් පිහිටුවීමේ කටයුතු මේ වන විට සිදුවෙමින් පවතින බවයි තොරතුරු වාර්තා වුණේ.
මෙරට තුළ ගල් අඟුරු ආශ්රිත විදුලි ජනනය ආරම්භ වූ දා සිට 2026 අප්රේල් 16 වන දින දක්වා කාලය තුළ සිදුව ඇති ගල් අඟුරු ගනුදෙනු විමර්ශනය කිරීම සඳහා ශ්රේෂ්ඨාධිකරණ විනිසුරු ගිහාන් කුලතුංග මහතාගේ ප්රධානත්වයෙන් පූර්ණ බලැති ජනාධිපති විමර්ශන කොමිසමක් පත් කරනු ලැබුවේ ජනාධිපතිවරයා විසින්.
අභියාචනාධිකරණ විනිසුරු ආදිත්ය පටබැඳිගේ සහ මහාධිකරණ විනිසුරු සංජීව සෝමරත්න යන මහත්වරුන් මෙම කොමිසමේ අනෙකුත් සාමාජිකයින් වනවා.
කොමිෂන් සභාවේ ලේකම් ලෙස පත් කර ඇත්තේ රාජ්ය අමාත්යාංශ හිටපු ලේකම් පී.වී. බන්දුලසේනයි.
2026 අප්රේල් 16 වන දින දක්වා කාලය තුළ, රජය සතු ගල් අඟුරු පුද්ගලික සමාගම හෝ එහි අනුප්රාප්තිකයින් විසින් ගල් අඟුරු ආනයනය කිරීමේදී සහ ශ්රී ලංකාවේ විදුලිය ජනනය කිරීමේදී කිසියම් අක්රමිකතාවක් හෝ නීති විරෝධී ක්රියාවක් සිදුවී ඇත්දැයි විමර්ශනය කිරීම මෙම කොමිසමේ ප්රධාන කාර්ය භාරය වනවා.
