සීදූව පොලිස් වසමේ මූකලන්ගමුව ප්රදේශයේ නිවසකින් දුර්ගන්ධයක් හමන බවට ඊයේ (20) සවස සීදූව පොලිස් ස්ථානයට තොරතුරක් ලැබී තිබෙනවා.
ඒ අනුව එම නිවස පරීක්ෂා කිරීමේදී නිදන කාමරයක තබා තිබූ ගමන් බෑගයක් තුළ කාන්තා මළ සිරුරක් ඇති බවට නිරීක්ෂණය වූ බව පොලිසිය පවසනවා.
මරණකාරිය අවුරුදු 79 ක් වූ මූකලන්ගමුව, සීදූව ප්රදේශයේ පදිංචිකාරියක් බවයි පොලිසිය පවසන්නේ.
මරණකාරිය එම නිවසේ තනිව පදිංචිව සිට ඇති අතර නිවසේ සවිකර තිබූ සීසීටීවී කැමරා ගලවා ඉවත් කර ඇති බවත්, දුරකථන රැහැන් කපා ඇති බවත්, දැනට සිදුකරන ලද විමර්ශනයේදී අනාවරණය වී තිබෙනවා.
මෙම ඝාතනය සම්බන්ධයෙන් වයස අවුරුදු 42ක් වන සැකකරුවෙක් මේ වන විට අත්අඩංගුවට ගෙන ඇති බවත් පොලිසිය සඳහන් කළා.
ඝාතනය සම්බන්ධව මහේස්ත්රාත් පරීක්ෂණය සහ පශ්චාත් මරණ පරීක්ෂණය අද (21) දිනයේ දී සිදුකෙරෙනවා.
ඔබේ ප්රතිචාරය කුමක්ද ?
+1
1
+1
+1
+1
+1
9
+1
+1
1
