සංවිධානාත්මක අපරාධ කල්ලි නායක ගනේමුල්ල සංජීව ගම්පහ අධිකරණයට ඉදිරිපත් කිරීමේ දී ඝාතනය කිරීමේ සූදානමක් පවතින බවට මීට පෙර තොරතුරක් ලැබී තිබූ බව වැඩබලන පොලිස්පති ප්රියන්ත වීරසූරිය අද අනාවරණයක් කළා.
රටේ ආරක්ෂක තත්ත්වය සම්බන්ධයෙන් දැනුවත් කිරීම සඳහා අද (22) කැඳවා තිබූ විශේෂ මාධ්ය හමුවක දී වැඩබලන පොලිස්පතිවරයා මෙම අනාවරණය කළා.
ගනේමුල්ල සංජීව ඝාතනයවීමට පෙර සතියේ දී ගම්පහ අධිකරණයට ඉදිරිපත් කිරීමට නියමිතව තිබූ බවත්, ලැබුණු තොරතුර අනුව ඒ සම්බන්ධයෙන් ගරු මහේස්ත්රාත්වරයා දැනුවත් කර ඔහුව අධිකරණය වෙත ඉදිරිපත් කිරීම අවලංගු කළ බවත් වැඩබලන පොලිස්පතිවරයා මෙහිදී අනාවරණය කර සිටියා.
ඒ, අනුව ගනේමුල්ල සංජීව මාර්ගගත ක්රමය ඔස්සේ ගම්පහ අධිකරණයට ඉදිරිපත් කිරීමට කටයුතු කළ බව ඔහු මෙහිදී පැවසුවා.
