අද (30) දිනය වනවිට දිවයින පුරා ඩෙංගු රෝගීන් 54,189 දෙනෙකු වාර්තා වී ඇති බව ජාතික ඩෙංගු මර්ධන ඒකකයේ වැඩබලන අධ්යක්ෂ කපිල කන්නන්ගර පවසනවා.
වැඩබලන අධ්යක්ෂවරයා සඳහන් කළේ පසුගිය පැය 24ක කාලය තුළ දී දිවයින පුරා ඩෙංගු රෝගීන්1,030ක් වාර්තා වී ඇති බවයි.
මේ අතර දෛයිනිකව වාර්තා වන ඩෙංගු රෝගීන්ගේ සංඛ්යාවේ සුළු වැඩිවීමක් දක්නට ලැබෙන බව ද ඔහු වැඩිදුරටත් සඳහන් කර සිටියා.
පවතින වාතාවරණය තුළ ඩෙංගු මර්දනය වෙනුවෙන් ජනතාවගෙන් තවමත් ප්රමාණවත් සහයෝගය නොලැබෙන බවයි වැඩබලන අධ්යක්ෂවරයා වැඩිදුරටත් සඳහන් කර සිටියේ.
එමෙන්ම රෝහල්වල ඩෙංගු රෝගීන්ගේ ධාරිතාව ද උපරිම මට්ටමට පැමිණ ඇති බවත් ඔහු පැවසුවා.
මේ අතර පසුගිය වසරේ පැවැතී ඩෙංගු වෛරස 03 තත්ත්වය අභිබවා මෙම වසරේ දී ඩෙංගු වෛරස 02 තත්ත්වය මතුව ඇති බවත් ඔහු වැඩිදුරටත් සඳහන් කළා.
