ශ්රී ලංකා ඛනිජ තෙල් නීතිගත සංස්ථාවේ අක්රමිකතා සම්බන්ධයෙන් හේතුවෙන් මේ වනවිට සංස්ථාවට රුපියල් මිලියන 3416ක අලාභයක් සිදු ව ඇති බවට අනාවරණය වී තිබෙනවා.
මෙම පාඩුව සිදු ව ඇත්තේ ඛනිජ තෙල් නීතිගත සංස්ථාවේ නිලධාරීන්ගේ වරදින් බවටත් ඊට ඔවුන් වගකිව යුතු බවටයි කෝප් කමිටුව අවධාරණය කර ඇත්තේ.
ඛනිජ තෙල් නීතිගත සංස්ථාවේ සිදු ව ඇති මෙම පාඩුව පිළිබඳ ව පොදු ව්යාපාර පිළිබඳ කාරක සභාවේ (කෝප්) කමිටුවේ අවධානය යොමු ව තිබෙනවා.
ප්රමාණය ඉක්මවමින් බෙදුම්කරුවන්ට කොමිස් ගෙවීම හේතුවෙන් මහජනතාවට ඉන්ධන සඳහා අතිරේක පිරිවැයක් දැරීමට සිදුවීම පිළිබඳව කමිටුවේ අප්රසාදය මෙහිදී හිමිවුණා.
ශ්රී ලංකා ඛනිජ තෙල් නීතිගත සංස්ථාවේ අලෙවි අංශය විසින් පිරවුම්හල් හිමියන් වෙත අදාළ චක්රලේඛය නිකුත් කිරීමට වසර 08කට වඩා කාලයක් හිතාමතා ප්රමාද කිරීම හේතුවෙන් 2014 – 2022 කාලය තුළ සංස්ථාවට රුපියල් මිලියන. 3,416 ක අලාභයක් සිදුකර ඇති බවත්, ඒ අනුව මහා පරිමාණ වංචාවක් සංස්ථාව වෙත සිදු කිරීම සම්බන්ධයෙන් අලෙවි අංශය වගකිව
යුතු බවත් පොදු ව්යාපාර පිළිබඳ කාරක සභාවේ දී සාකච්ඡාවට ලක් කෙරුණු බවයි වාර්තා වන්නේ.
ලංකා ඛනිජ තෙල් නීතිගත සංස්ථාවේ 2022 වර්ෂයේ විගණකාධිපති වාර්තාව හා වර්තමාන කාර්යසාධනය පිළිබඳ පරික්ෂා කිරීම සඳහා පොදු ව්යාපාර පිළිබඳ කාරක සභාව එහි සභාපති පාර්ලිමේන්තු මන්ත්රී රෝහිත අබේගුණවර්ධනගේ ප්රධානත්වයෙන් ඊයේ (19) රැස්වූ අවස්ථාවේදී මේ පිළිබඳ ව සාකච්ඡා කෙරුණේ.
