ඉන්දීය ක්‍රිකට් කණ්ඩායමේ ප්‍රවේගකාරී පිතිකරුවෙකු වන විරාට් කෝලි මෙරටට පැමිණ තිබෙනවා.
අද (29) පස්වරුවේ කෝලිව රැගත් ගුවන් යානය කටුනායක ගුවන් තොටුපොළ වෙත ළඟා වී ඇති බවයි වාර්තා වන්නේ.
විරාට් කෝලි මෙලෙස ශ්‍රී ලංකාවට පැමිණ ඇත්තේ සිය ඉන්දීය ක්‍රිකට් කණ්ඩායම සමග එක් වීමට බවත් වාර්තා වනවා.
ඒ මේ දිනවල සංචාරක ඉන්දීය කණ්ඩායම සහ ශ්‍රී ලංකාව අතර පන්දුවාර 20 ක්‍රිකට් තරගාවලියක් පැවැත්වෙන අතර; එය අවසන් වීමෙන් පසුව එළඹෙන අගෝස්තු මස 02 වැනි දින තරග තුනකින් සමන්විත එක්දින තරගාවලිය ආරම්භ වනු ඇති.
එම එක්දින තරගාවලියට එක්වීමටයි විරාට් කෝලි දිවයිනට පැමිණ ඇත්තේ.
මේ වනවිට ශ්‍රී ලංකා කණ්ඩායම ඉන්දීය කණ්ඩායම හමුවේ තරග 03කින් සමන්විත පන්දුවාර 20 තරගාවලියේ පරාජය ඊයේ (28) වේලාසනින් ම උරුම කරගත්තා.
ඒ දෙවැනි තරගය ද පරාජයට පත් වෙමින්.
