කෝපි ශරීරයේ නිදන්ගත රෝග අඩු කිරීම වැනි සෞඛ්‍ය ප්‍රතිලාභ රාශියක් සපයන අතර, ඔබ දැන සිටිය යුතු අතුරු ආබාධ කිහිපයක් තිබේ.
නිතිපතා හිසරදය
කාන්තාවක් කාර්යාලයකදී ආතතියට පත් විය හැකිය.ඔබ වැඩිපුර කෝපි පානය කිරීම සහ හිසරදය ඇති වීමට හේතුව එය විය හැකිය. American Journal of Medicine හි ප්‍රකාශයට පත් කරන ලද අධ්‍යයනයකින් ඉරුවාරදය ඇති පුද්ගලයින් 100කට ආසන්න සංඛ්‍යාවක් ඔවුන් කොපමණ වාරයක් කැෆේන් අඩංගු පාන වර්ග (මෙයට කෝපි, තේ, කාබනීකෘත පාන සහ ශක්තිජනක පාන ඇතුළත්) පරිභෝජනය කළේද යන්න වාර්තා කරන ලෙස ඉල්ලා සිටියේය.
දිනකට අවම වශයෙන් කැෆේන් සහිත බීම වර්ග තුනක් වත් පානය කරන අයට ඉරුවාරදය ඇතිවීමේ සම්භාවිතාව වැඩි විය.ඇත්ත වශයෙන්ම, කැෆේන් පරිභෝජනය සහ ඉරුවාරදය හිසරදය අතර සම්බන්ධයක් පවතියි.
ඉහළ කාංසා මට්ටම්
කැෆේන් ඔබේ මධ්‍යම ස්නායු පද්ධතිය වේගවත් කරන” බව වැඩිපුර කෝපි පානය කිරීමේ අතුරු ආබාධයකි.
ප්‍රතිඵලයක් වශයෙන්, කැෆේන් වලට සංවේදී නොවන පුද්ගලයින් තුළ කෝපි කෝප්ප තුනක් පමණ මධ්‍යස්ථ ප්‍රමාණයකට වඩා පානය කිරීම – ඔබට වෙව්ලන බවක් දැනිය හැක. ඔබට ඔක්කාරය දැනෙන්නට හෝ ඔබේ හදවත වේගයෙන් ගැහෙන බවක් දැනෙන්නට පුළුවනි
ක්ලීව්ලන්ඩ් සායනයෙහි වූස්ටර් ශාඛාවේ කාන්තා සෞඛ්‍ය මධ්‍යස්ථානයේ මනෝ විද්‍යාඥවරියක් වන සුසාන් බෝලිං, PsyD, Health සමඟ ලිපියක සඳහන් කළේ, “සමස්තයක් වශයෙන්, කැෆේන් බොහෝ විට කනස්සල්ලෙන් සිටින පුද්ගලයින්ට නරක දෙයක් බවයි.
කැෆේන් වල ස්වභාවික බලපෑම් ඔබේ හෘද ස්පන්දනය වේගවත් කිරීම, ඔබේ ශරීරය රත් වීම, ඔබේ හුස්ම ගැනීමේ වේගය වැඩි වීම වැනි සංවේදන රාශියක් උත්තේජනය කරයි. කෝපි පානයෙන් ඔබට දැනෙන්නේ කාංසාව නොවන බව හඳුනා ගැනීමටවත් ඔබේ මනසට අපහසුය.
ඔබට දැනටමත් කනස්සල්ලක් තිබේ නම්,කෝපි බීම විශාල වශයෙන් හෝ සමහර විට සම්පූර්ණයෙන්ම පානය කිරීමෙන් වැළකී සිටීම වඩාත් සුදුසුය.
බාධාකාරී නින්ද
ඔබ සම්පූර්ණ රාත්‍රියක් වටිනා ගුණාත්මක නින්දක් ලබා ගැනීමට අරගල කරන්නේ නම්,හේතුව කෝපි විය හැක. Clinical Sleep Medicine සඟරාවේ ප්‍රකාශයට පත් කරන ලද 2013 අධ්‍යයනයකින් හෙළි වූයේ නින්දට පැය හයකට පෙර කැෆේන් පානය කිරීමෙන් ඔබ එදින රාත්‍රියේ නිදා ගැනීමට ගත කරන කාලය පැයකින් පමණ අඩු වන බවයි.
අඩු සාරවත් බව
අධ්‍යයනවලින් හෙළි වී ඇත්තේ අධික ලෙස කෝපි පානය කිරීම පිළිසිඳ ගැනීම වැළැක්වීමට සහ ඊටත් වඩා නරක ලෙස ගබ්සා වීමේ සම්භාවිතාව වැඩි කරන බවයි.
ඔබ පමණට වඩා කෝපි වලට ඇබ්බැහි වී සිටිනවා නම් මෙන්ම ඔබ දරුවකු බලාපොරොත්තුවෙන් ඉන්නවා නම් ඔබ වහාම කෝපි බීම නතර කළ යුතුයි.
සටහන – සචිනි සත්සරණි ප්‍රේමරත්න
