මෙරටට නීති විරෝධීව ආනයනය කරන ලද රුපියල් කෝටියකට අධික වටිනාකමින් යුත් ඖෂධ තොගයක් ජාතික ඖෂධ නියාමන අධිකාරියේ නිලධාරීන් විසින් පිටකොටුව ප්රධාන පෙළේ ඖෂධ ගබඩාවක තිබී තම භාරයට ගෙන තිබේ.
පිළිකා නාශක, දියවැඩියාව, අධිරුධිර පීඩනය, ලිංගික බෙලහීනතාව, අක්ෂි ආබාධ, මදසරු භාවය, හෘද රෝග, පුරුෂ හෝමෝන, මොළයේ ආබාධ සඳහා භාවිත කරන අධික මිලකින් යුත් ඖෂධ තම භාරයට ගත් ඖෂධ අතර තිබූ බවද එම අධිකාරියේ ප්රධාන ආහාර හා ඖෂධ පරීක්ෂක අංශ ප්රධානී අමිත් පෙරේරා පැවසීය.
පිටකොටුවේ සිට පුත්තලම මහනුවර, කල්මුණේ, මඩකලපුව යන ප්රදේශවලට මෙම ඖෂධ බෙදාහැර ඇති බවත් වෙනත් රටවල අලෙවිය සඳහා පමණක් එම රටවල භාෂාවෙන් විස්තර සඳහන් කර ඇති මිල අධික ඇතැම් ඖෂධ කෙසේ වෙළෙඳපොළට පැමිණියේද යන්න පිළිබඳව විශේෂ විමර්ශනයක් ආරම්භ කර තිබෙනවා.
තුර්කිය, ඉතාලිය, ඉන්දියාව, පාකිස්තානය යන රටවල්වලින් මෙම ඖෂධ හොර රහසේ මෙරටට ගෙන්වා ඇති බව ජාතික ඖෂධ නියාමන අධිකාරිය සඳහන් කරයි.
