කළුතර උතුර, වස්කඩුව ප්රදේශයේ මුහුදේ දියනෑමට ගිය තරුණයෙකු අද (17) පස්වරුවේ මුහුදේ ගිලී අතුරුදන්ව ඇති බව කළුතර උතුර පොලිසිය පවසනවා.
මෙලෙස අතුරුදන්ව ඇත්තේ මොරොන්තුඩුව ප්රදේශයේ හෝටලයක කෝකියෙකු ලෙස සේවය කරන බාග්යවන් සෙල්වනායගම් නමැති 26 හැවිරිදි විවාහකයෙකු බවයි හෙළි ව ඇත්තේ.
ඔහු නුවරඑළිය – හාවාඑළිය ප්රදේශයේ පදිංචිකරුවෙකු බව ද සිදු කළ මූලික විමර්ශනවල දී හෙළි ව තිබෙනවා.
අතුරුදන් වූ තරුණයා අද දින නිවාඩු දිනයක් බැවින් මිතුරන් සමග කුඩා වස්කඩුව මුහුදු වෙරළට පැමිණ දියනෑමට ගොස් ඇති අතර, එක්වරම රළ පහරට හසුව නොපෙනී ගොස් ඇති බවටයි සිදු කළ පරීක්ෂණවල දී අනාවරණය වී ඇත්තේ.
කළුතර උතුර පොලිසිය තරුණයා සොයා විමර්ශන සිදු කළ ද මෙතෙක් ඔහුව සොයාගැනීමට නොහැකිව තිබෙනවා.
ඔබේ ප්රතිචාරය කුමක්ද ?
+1
+1
+1
+1
+1
2
+1
+1
