කොල්කටා හි වෛද්යවරිය දූෂණය කර ඝාතනය කිරීමේ සිද්ධියේ චූදිත සන්ජෝයි රෝයි රෝහලට ඇතුළුවන ආකාරය දැක්වෙන ආරක්ෂිත කැමරා දර්ශන නිකුත්ව තිබෙනවා.
ඝාතනයට ලක් වූ වෛද්යවරියගේ මෘත ශරීරය අසලින් සොයාගත් බ්ලූටූත් ඉයර්ෆෝනය සැකකාර සන්ජෝයි රෝයිගේ ගෙළ වටා ඇති ආකාරය ද නිකුත් කර ඇති ආරක්ෂිත කැමරා දර්ශනවල දැක්වෙනවා.
සැකකරු අගෝස්තු 09 වනදා අලුයම 1.03ට රෝහලට ඇතුළු වී ඇති අතර, ඉන් අනතුරුවයි මෙම අපරාධය සිදුකර ඇත්තේ.
මේ අතර සැකකරු අපරාධයට පෙර ඝාතනය කළ වෛද්යවරිය සහ තවත් කනිෂ්ඨ වෛද්යවරුන් හතර දෙනෙකු දෙස බලා සිටින ආකාරය රෝහලේ ළය වාට්ටුවේ සී.සී.ටී.වී කැමරා දර්ශනවල දැක්වෙන බවයි ඉන්දීය මාධ්ය තොරතුරු වාර්තා කළේ.
සැකකාර සන්ජෝයි රෝයි පුහුණුව ලත් බොක්සිං ක්රීඩකයෙකු වන අතර, ඔහු වසර ගණනාවක් තිස්සේ ජ්යෙෂ්ඨ පොලිස් නිලධාරීන් කිහිප දෙනෙකු සමඟ සමීප සම්බන්ධතා පවත්වාගෙන ගොස් ඇති බවට ද අනාවරණය වී තිබෙනවා.
එම සම්බන්ධතා මත ඔහු කොල්කටා පොලිස් සුභසාධක මණ්ඩලයට ගොස්, ආර්ජී කාර් වෛද්ය විද්යාලයේ සහ රෝහලේ පොලිස් මුරපොලේ සේවය සඳහා පැමිණ ඇති බවයි වාර්තා වන්නේ.
මේ අතර අපරාධය පිළිබඳව විමර්ශන පවත්වන සැකකාර සන්ජෝයි රෝයිගේ DNA සහ මනෝවිශ්ලේෂණ වාර්තා ඉදිරි විමර්ශන සඳහා බලාපොරොත්තුවෙන් සිටින බවයි ඉන්දීය මාධ්ය වාර්තා කළේ.
කෙසේ වෙතත් සැකකරු විසින් තමන් වෛද්යවරියට සිදුකළ අපරධය පිළිබඳව මේ වනවිටත් පොලිසිය හමුවේ පාපොච්චාරණය කර තිබෙනවා.
අපරාධ වෙන්නෙම ආරක්ෂක අංශ එක්කමනේ ලංකාවමයි ඉන්දියාව