ජාතික ජන බලවේගය පක්ෂයේ පාර්ලිමේන්තු මන්ත්රිනී නිලන්ති කොට්ටහච්චි මහත්මියට අපහාසයක් සිදු කරන අයුරින් මුහුණු පොතේ පෝස්ටුවක් පළ කිරීම සම්බන්ධයෙන් මිල්ලනිය ප්රාදේශීය සභාවේ හිටපු මන්ත්රී රවීන්ද්ර රම්මුනි නැතහොත් කෝකිල නමැත්තාව අත්අඩංගුවට ගෙන තිබෙනවා.
අද (03) පෙරවරු 9ට පමණ සැකකාර හිටපු මන්ත්රීවරයා ව කොළඹ අපරාධ පරීක්ෂණ දෙපාර්තමේන්තුව විසින් ඔහුගේ නිවස පිහිටි බටගොඩ ප්රදේශයේ දී අත්අඩංගුවට ගැනුණු බවයි වාර්තා වන්නේ.
සැකකරුව අත්අඩංගුවට ගැනීමට ඊයේ රාත්රියේ දී ඔහුගේ නිවසට අපරාධ පරීක්ෂණ දෙපාර්තමේන්තුවෙන් පැමිණිය ද හෙතෙම නිවසේ සිට නැහැ.
පසුගියදා මන්ත්රිනී කොට්ටහච්චිගේ නීතිඥවරු කොළඹ අපරාධ පරීක්ෂණ දෙපාර්තමේන්තුවේ පරිගණක අපරාධ ඒකකය වෙත පැමිණිලික්ක සිදු කරමින් කියා සිටියේ කිසියම් පුද්ගලයෙකු හෝ කණ්ඩායමක් එකතු ව සිය සේවාදායිකාවගේ කීර්ති නාමයට හානියක් සිදු වන අයුරින් ෆේස්බුක් හරහා අසත්ය ප්රචාර පතුරුවන බවයි.
ඇය කොළඹ ප්රසිද්ධ යැයි සැලකෙන හෝටල් වෙත ඇතැම් මන්ත්රීවරුන් සමග රුපියල් 20000ක මුදලකට රැයක් ගත කර ඇති බවයි එම පෝස්ටුව පළ කළ තැනැත්තා සඳහන් කර ඇත්තේ.
කෙසේවෙතත් මෙම සිදුවීම සම්බන්ධයෙන් පූර්ණ විමර්ශනයක් කරමින් අපරාධ පරීක්ෂණ දෙපාර්තමේන්තුව සැකකාර රවීන්ද්ර රම්මුතු නමැත්තා අත්අඩංගුවට ගැනුණා.
අනිවාර්යෙන්ම මෙවැනි දේවල් කරන අය වෙනුවෙන් නීතිය තදින් ක්රියාත්මක විය යුතුයි