දකුණු අප්රිකානු කණ්ඩායම ලකුණු 32කින් පරාජය කළ නවසීලන්ත කාන්තා ක්රිකට් කණ්ඩායම 2024 පන්දු වාර 20-20 ලෝක කුසලානය ජයගැනීමට ඊයේ (20) රාත්රියේ සමත් වුණා.
ඩුබායි හිදී පැවති අවසන් මහා තරගයේ දී පළමුව පන්දුවට පහර දුන් නවසීලන්තය නියමිත පන්දුවාර 20 තුළ කදුලු 05ක් දැවී ලකුණු 158ක් රැස් කළා.
අනතුරුව නවසීලන්තයෙන් හිමි වූ ලකුණු 159ක ඉලක්කයට හඹා ගිය දකුණු අප්රිකානු ක්රීඩිකාවන්ට පන්දුවාර 20 තුළ දී කඩුලු 09ක් දැවී රැස්කර ගත හැකිවූයේ ලකුණු 126ක් පමණයි.
ඒ, අනුව පළමුව වරට ලෝක කුසලනයක පහස විඳගැනීමට නවසීලන්ත කාන්තා ක්රිකට් කණ්ඩායමට හැකියාව ලැබුණා.
විස්සයි විස්ස කාන්තා ලෝක කුසලාන ඉතිහාසයේ නවසීලන්ත කණ්ඩායම අවසන් මහා තරගයක් ක්රීඩාකළ තෙවැනි අවස්ථාව මෙය වන අතර, මීට පෙර ඔවුන් 2009 සහ 2010 වසරවල දී අවසන් මහා තරග සඳහා ක්රීඩා කර තිබෙනවා.
මේ අතර සිය කුළුඳුල් 20-20 ලෝක කුසලානයක පහස විඳගත් නවසීලන්ත ක්රීඩිකාවන් ජයග්රහණයේ සතුට සැමරුවේ මෙලෙසින්.
