ධවල මන්දිර මාධ්ය ලේකම් කැරොලයින් ලෙවිට් මෙම මාසය අවසානයේ දී එම ධුරයෙන් ඉවත් වන බව ජනාධිපති ඩොනල්ඩ් ට්රම්ප් නිවේදනය කරනවා.
ජනාධිපතිවරයා ඔහුගේ වඩාත්ම විශ්වාසවන්ත සහායකයෙකු ලෙස හැඳින්වූ ලෙවිට්, ඇගේ කුඩා දරුවන් සහ පවුලේ අය සමඟ කාලය ගත කිරීම සඳහා මෙම භූමිකාවෙන් ඉවත්වන බවයි තොරතුරු වාර්තා වන්නේ.
ලෙවිට්ගේ මෙම තීරණය තමා සම්පූර්ණයෙන්ම තේරුම් ගත් බවත් එය තමන් ගරු කරන තීරණයක් බවත් ඩොනල්ඩ් ට්රම්ප් ජනාධිපතිවරයා සමාජ මාධ්ය ඔස්සේ පවසා තිබෙනවා.
28 හැවිරිදි වියේ පසුවන කැරොලයින් ලෙවිට් පසුගිය වසරේ ධවල මන්දිර මාධ්ය ලේකම් ලෙස රැකියාව භාරගත් අතර, එම තනතුරට පත් වූ ලාබාලතම පුද්ගලයා බවට ඇය පත් වුණා.
මේ අතර ලෙවිට් ධවල මන්දිර මාධ්ය ලේකම් ධුරයෙන් ඉවත්වීමෙන් පාඩු එම තැනැත්ර්හුර සඳහා කවුරුන් පත් කරනු ඇත්ද යන්න තවමත් පැහැදිලි නොමැති බවයි විදෙස් මාධ්ය වාර්තා කරන්නේ.
