ශ්‍රී ලංකා කණ්ඩායම සහ සංචාරක පාකිස්ථාන කණ්ඩායම අතර දෙවන ටෙස්ට් තරගයේ කාසිය වාසිය හිමකර ගැනීමට ශ්‍රී ලංකා නායකයා සමත් වුණා.
ඒ, අනුව ඔහු තීරණය කළේ එස්.එස්.සී. තණ තීරුවේ පළමුව පන්දුවට පහරදීමටයි.
අද උදෑසන කාලයේ කොළඹට ඇඳ හැලුණු වර්ෂාවත් සමඟ තරගය ආරම්භවීම ප්‍රමාද වී තිබෙනවා.
මේ අතර අද තරගයේ දී ශ්‍රී ලංකා යොවුන් වේගපන්දු යවන ක්‍රීඩක දිල්ශාන් මධුශංක ජාත්‍යන්තර ටෙස්ට් වරම් හිමිකර ගත්තා.
ඒ, අනුව ඔහු වාර්තා අතරට එක්වන්නේ ශ්‍රී ලංකාව වෙනුවෙන් ජාත්‍යනතර ටෙස්ට් වරම් හිමිකර ගත් 164 වැනි ටෙස්ට් ක්‍රීඩකයා ලෙසටයි.
මේ අතර අද තරගය සඳහා වේග පන්දු යවන ක්‍රීඩක අසිත ප්‍රනාන්දු ද ශ්‍රී ලංකා කණ්ඩායමට කැඳවා ඇති බවයි වාර්තා වන්නේ.
මේ හේතුවෙන් පළමු තරගය සඳහා ක්‍රීඩා කළ ශ්‍රී ලංකා පිළේ වේග පන්දු යවන්නන් දෙදෙනා වන කසුන් රාජිත සහ විශ්ව ප්‍රනාන්දුට මෙම තරගය සදහා එක්වීමේ අවස්ථාව හිමිවන්නේ නැහැ.
තරග දෙකකින් සමන්විත ටෙස්ට් තරගාවලියේ පළමු තරගය ජයගත් පාකිස්ථානය මේ වනවිට පෙරමුණේ පසුවනවා.
අද (24) ආරම්භවන දෙවන ටෙස්ට් තරගයට ක්‍රීඩා කරන ශ්‍රී ලංකා කණ්ඩායම,
දිමුත් කරුණාරත්න (නායක), නිශාන් මධුෂ්ක, කුසල් මෙන්ඩිස්, ඇන්ජෙලෝ මැතිව්ස්, දිනේෂ් චන්දිමාල්, ධනංජය ද සිල්වා, සධීර සමරවික්‍රම, රමේෂ් මෙන්ඩිස්, ප්‍රභාත් ජයසූරිය, අසිත ප්‍රනාන්දු, දිල්ශාන් මධුශංක
