කාය වර්ධනයෙන් රන් පදක්කම් දිනූ ක්‍රීඩකයා දිවයිනට

13 වැනි කායවර්ධන සහ පිසික් ක්‍රීඩා තරගාවලියට (South Asian Bodybuilding and Physique Sports Tournament – 2023) ශ්‍රී ලංකාව නියෝජනය කරමින් සහභාගී වූ යූ. ඉයුජින් (Yoo Eungin) ක්‍රීඩකයා රන් පදක්කමක් දිනා ගෙන ඊයේ රාත්‍රී දිවයිනට පැමිණ තිබෙනවා.

මාලදිවයින මාලේ නුවර පසුගිය 05 වනදා සිට 09 වනදා දක්වා පැවති මෙම තරගාවලියේ දී සෙන්ටිමීටර් 180ට වැඩි උස කාණ්ඩය යටතේ තරග වැදුණු ඔහු මෙම ක්‍රීඩකයා එම ඉසව්වේ පළමු ස්ථානයට පත් වෙමින් මෙම රන් පදක්කම දිනා ගෙන තිබුණා.

යූ. ඉයුජින් ඊයේ රාත්‍රී 11.05ට මැලේසියාවේ ක්වාලාලම්පූර් නුවර සිට මලින්දෝ ගුවන් සේවයේ OD- 297 දරන ගුවන් යානයෙන් කටුනායක ගුවන් තොටුපොළ වෙත පැමිණ සිටියා.

ඔහු පිළිගැනීම සදහා ශ්‍රී ලංකා කායවර්ධන සංගමයේ නිලධාරීන් සහ මෙම ක්‍රීඩකයාගේ දෙමාපියන්, නෑදෑ හිතවතුන් ඇතුළු විශාල පිරිසක් කටුනායක ගුවන් තොටුපොළ පැමිණීමේ පර්යන්තය වෙත පැමිණ සිටි බවයි අප වාර්තාකරු සඳහන් කළේ.