2024 පන්දුවාර 20-20 කාන්තා ක්‍රිකට් ලෝක කුසලානය අද (03) ආරම්භ වනවා.
ඒ එක්සත් අරාබි එමීර් රාජ්‍යයේ සාජා නුවරදියි.
මෙම තරගාවලියේ සත්කාරකත්වය එක්සත් අරාබි එමීර් රාජ්‍යයට හිමි ව තිබෙනවා.
ඒ මීට පෙර මෙම තරගාවලිය පැවැත්වීමට සැලසුම් කර තිබුණේ බංග්ලාදේශයේ දී වන අතර එය අහෝසි වී ගියේ එරට උද්ගත වූ දේශපාලනික ව්‍යාකූලත්වය මතයි.
මෙවර තරගාවලිය A හා B යනුවෙන් කණ්ඩායම් දෙකක් පවතිනවා.
එහි A කාණ්ඩය යටතේ ඔස්ට්‍රෙලියාව, ඉන්දියාව, නවසීලන්තය, පාකිස්තානය සහ ශ්‍රී ලංකාව සිටිනවා.
බංග්ලාදේශය, එංගලන්තය, ස්කොට්ලන්තය, දකුණු අප්‍රිකාව සහ බටහිර ඉන්දීය කොදෙව්වන් තරග වදින්නේ B කාණ්ඩය යටතේයි.
අද සාජා හි දී පස්වරු 3.30ට බංග්ලාදේශ කාන්තා කණ්ඩායම සහ ස්කොට්ලන්තය අතර පළමු තරගය ආරම්භ වනවා.
ශ්‍රී ලංකා කාන්තා කණ්ඩායම සහභාගී වන පළමු තරගය අද රාත්‍රී 7.30ට ආරම්භ වන්නේ සාජා නුවරදියි.
