පුද්ගලයින් කෙරෙහි නොව ආයතන පද්ධතිය කෙරෙහි විශ්වාසය තැබිය හැකි රාජ්යක් නිර්මාණය කිරීම අරමුණ බව ජනාධිපති අනුර කුමාර දිසානායක පවසනවා.
හෝමාගම ප්රදේශයේ ඊයේ (25) පැවති සුහද හමුවක දී ජනධිපතිවරයා මේ බව පැවසුවා.
මේ අතර ලබන වසර තුළ දී මෙරටට ඩොලර් බිලියනකට ආසන්න ණය ආධාර ලබාදීමට සූදානමක් පවතින බව ලෝක බැංකුව සමඟ සිදුකළ සාකච්ඡාවක දී සඳහන් කළ බව ජනාධිපතිවරයා මෙහිදී සඳහන් කළා.
එමෙන්ම වාණිජ වෙළඳපොළෙන් ණය ගැනීමෙන් වැළකී සිටීමට රජය උපරිම උත්සාහ කරන බව සඳහන් කළ ජනාධිපතිවරයා, බහු පාර්ශ්වීය සහ ද්වි පාර්ශ්වීය ණය ලබාගැනීම කෙරෙහි අවදානය යොමුව ඇති බවයි වැඩිදුරටත් පවසා සිටියේ.
මේ අතර රට තුළ සියලු වී තොග රැස් කරන්නන් සහ හාල් මෝල් හිමියන් රජයේ ලියාපදිංචි විය යුතු බවත් එලෙස ලියාපදිංචි නොවන කිසිවෙකුට සහල් මෝල් පවත්වාගෙන යාම හෝ වී තොග රැස්කිරීම සිදුකළ නොහැකි බවයි ජනාධිපතිවරයා මෙම ජන හමුවේ දී සඳහන් කළේ.
මෙම සුහද හමුව අමතමින් අනුර කුමාර ජනාධිපතිවරයා වැඩිදුරටත් පසුවේ ක්ලීන් ශ්රී ලංකා වැඩසටහනට පොලිස් නිලධාරීන් තරමක් ‘තදියම්’ වූ බවයි.
එමෙන්ම පාතාලය සහ මත්ද්රව්ය මැඩ පැවැත්වීම සඳහා ඉතා සැකසුම් සහගත වැඩපිළිවෙලක් කඩිනමින් ක්රියාත්මක කරන බවත් ඔහු මෙහිදී පැවසුවා.
